尹光连环粗口闹爆王维基 对方得戚还拖：闹得我唔够应
撰文： 张祖铭
出版：更新：
74岁尹光昨晚（24日）现身铜锣湾出席电音活动，并在现场与DJ女神乐宜（Lokyii）合作表演《掂呀》，炒热全场气氛！商台今日公布尹光杀入叱咤我最喜爱男歌手5强，他接受《香港01》访问表示：“好开心啦入围五强，我今日先知道，好多人问我有冇预备战衣，讲真我冇谂过自己入到五强，所以战衣我冇预备到。”他继续指未知到时候会否有机会上台表演，并表示：“攞唔攞到最后果五强呢！奖得一个咋嘛，冇冠亚季军冇㗎啦嘛！若果选中我，我会开心到喊！”
尹光自愧不如张敬轩唱功
讲到有份入围5强的张敬轩望尹光能够勇夺“叱咤我最喜爱男歌手”奖项，他说：“张敬轩我好钟意听佢啲歌，佢真系唱得好好，声线又靓，高低音都咁靓。我想学唱佢一只歌咋，拣嚟拣去都拣唔到边只可以唱，如果唱一半就OK，好高音，因为佢后生，我以前后生都唱到，声线真系我年纪大，你听我只《Dear Myself》就知道啦！剩返六七成咋嘛，就唱唔到咁高音，所以我希望减到去一只歌可以唱到，现在拣到嘅歌就系《隐形游乐场》！”
尹光不认同反“镜仔”
至于其他三位入围者是MIRROR 成员，对于最近连登仔指反“镜仔”定必会投票给尹光，他表示：“咁我又觉得唔应该反佢哋，始终佢哋都系一个实力歌手，咁出名点会反对佢啫，只不过我侥幸入咗五强，我都希望佢哋再攞到。”
尹光连HKTVmall老板王维基都够胆闹
被问到新歌唱“HKTV正X街”连HKTVmall老板王维基都够胆闹，他坦言：“因为王维基先生佢好叻，若果你赞佢呢，佢知道冇咁多人睇，所以佢请到我攞返《少理阿爸》𠮶个音乐，改变晒啲歌词，黎闹佢自己，初时录完之后佢听咗，话我闹得佢唔够应，闹应啲所以我用咗仆X去闹佢，仆X系粗俗，但你唔可以话佢系粗口，闹佢王维基正X街，又真系咁多人睇㖞！”他继续笑说：“根本就系讲笑啫！拍广告咋嘛！”