倪晨曦每年圣诞节为家居布置费尽心思 爆老公唔帮手：佢觉得好烦
撰文： 吴子生
出版：更新：
倪晨曦（Elva）今晚（24/11）现身尖沙咀海旁出席圣诞树亮灯仪式。Elva受访时表示：“其实嚟近我已经开始准备布置圣诞树，因为我好钟意圣诞节𠮶种节日气氛，而且每年我都会谂唔同嘅主题，旧年我系用红色嘅主题，而今年我就会用白色嘅主题，布置装饰都系由我一手一脚做，而我老公系唔会做，因为每一次攞出嚟都系要好大工程，又要拆出嚟，又要攞好多配件，咁所以佢就会觉得会好烦。”
Elva又透露下星期将会收到一棵真的圣诞树，为布置作准备：“记得喺旧年𠮶阵时，买咗一棵圣诞树，点知棵圣诞树送到嚟系高到顶到天花顶，于是要人帮我剪短佢。其实之前我系用重用嘅圣诞树，但我就攞咗返去公司度用，而我试过一年用真圣诞树之后，发觉个气氛好唔同，因为棵树会发出香气，咁所以我就想畀小朋友有一个经验，可以感受一吓有棵圣嘅感觉会系点。”