专访｜周秀娜亲解单身10年之谜：我唔系好钟意解释好多嘅人
以往在活动上采访过周秀娜好多次，但每次都是来去匆匆，今次算是首次跟她坐下来慢慢倾。今次访问中，笔者从周秀娜身上发现除了性感外，还有一份对演戏的坚持和拼劲，所以可以由初入行靠身材的𡃁模，到现在转型为一位用演技说话的女演员，周秀娜的成功非侥幸。但对比在演艺事业上的不断进步，感情方面，周秀娜这10年间却一直交白卷，她自言并非一个喜欢解释很多的人，故需要一个有足够成熟的另一半，并亲自回应了隐婚这个“都市传说”
Hair:Angus Leung@ArtifyLab
Makeup: Circle Cheung(ndnco.co)
Outfit: Dion Lee & Aeron from Lane Crawford
今次《叠影狙击》是周秀娜继《宫心计2深宫计》后，相隔5年再有剧集在无线播出，她没想过该剧会成为台庆剧，甚至没想过会在香港播，所以感到好惊喜和开心，但她笑言最大得益者一定是父母，如果网上播他们未必懂去找来看，现在开启电视便能看到女儿的作品。
一人分饰两角 演到精神错乱
周秀娜觉得今次最大的挑战是电视剧的集数比较长，同时还要一人分饰两角，在连贯性和前后的时间上要搞清楚，“最难系两姊妹同场的时候，除咗拍摄上难之外，我最担心系演完家姐之后，因为啲机器已set好晒，变咗所有演员要陪我做多次，反而得我同细妹两个嘅场口会好啲。（有否试过演到精神错乱？）我谂我拍呢套剧嘅时候都系精神错乱，但唔系因为要一个人演两姊妹，而系查案嘅过程里面，家姐呢个特警要去查细妹嘅死因时，面对唔同同佢有关系嘅男人，呢度系有少少错乱，因为要去处理呢啲关系，而妳系扮紧细妹，但又唔可以畀对方知道妳系细妹，所以要拿捏好。”
问到事前如何准备？周秀娜直言幸好两姊妹一个系特警、一个是保险从业员，两者职业特性不同，所以从外型、某些动作和说话语气上都可以做到分别，“但我记得刚开拍演家姐嘅时候，导演都有同我讲，始终都系一个特警，动作上系咪可以架势啲同粗鲁啲，因为初头我都仲系行得好女性化，所以呢方面有作出调整。”
无惧触伤旧患 享受拍动作戏
谈到剧中动作戏连场令人眼前一亮，但原来有苦自己知。周秀娜笑言：“另一大挑战系要着高踭鞋打，和每日都要着住高踭鞋不断跑，唔知点解我着住高踭鞋，但要追到Bosco（黄宗泽）嘅速度。”加上周秀娜之前拍戏时膝头和左脚脚腕都受过伤，所以现时只要有多些动作或企得多，她的旧患就会复发会痛，“我同黄宗泽一齐时嘅动作戏系比较多，开头佢都可以扶一下我，后来佢嘅膝头旧患都复发，我哋一cut机就要扶住栏杆，或揾个地方坐低，所以拍完呢套剧我都‘静止’咗几日，等旧患复原。至于撞亲、瘀伤呢啲，拍动作戏在所难免，加上我嘅衣服都好贴身，用不到护垫。”
虽然拍动作戏辛苦，但周秀娜却非常享受，尤其做到武术指导要求的动作，是会有好大成功感，她没想过一心向打女方向发展，但试得到观众又觉得她几适合都不错，笑指“唔打得都睇得”，“其实我系零功夫底子，但拍完第一套动作电影后，一直有揾教练学Kick Boxing和keep住做运动到依家，我觉得都几有帮助，到要拍动作戏时可以好快适应。”
与黄宗泽愈熟愈难演
继剧集《战毒》及《非凡三侠》后，周秀娜与Bosco已是第3次合作。笑问开始觉得闷没有？她说同Bosco合作是开心的，并大赞对方很认真：“佢系一Roll机就好认真，事前做咗好多准备功夫，系好专业嘅演员，但Cut机后，佢又系一个好开心的人，有佢喺度𠮶日，大家欢乐系特别多。”
谈到2人今次继续都有亲热戏，周秀娜笑指相对已没之前那么多。但大家那么熟，拍起亲热镜头是否会放松一点？周秀娜却笑言：“就系因为太放松，所以唔系咁好！对住Bosco感觉就好似一个识咗一个好耐嘅朋友，例如开工第一场戏，我系演家姐，理应同佢唔系好熟，但我一见到佢即刻好似变咁细妹咁，熟到好多事情都好似理所当然咁，警察嘅冷静、谨慎全部无晒，我仲记得拍完𠮶场戏导演都有揾我倾，话我个状态唔应该系咁，之后慢慢调整，所以太熟都唔系咁好。”
由𡃁模转型为演员：系要多啲努力
而近年，周秀娜在电视剧和电影两边走，她说电视剧拍摄时间比较长，讲求连贯性，而电影可能只是1个多、2个小时内讲述一件事，所以对她而言，拍电视剧需要多花些时间去准备：“尤其拍电视剧嘅节奏好快，电影我都可以有时间去酝酿，进入情绪。而两者畀我嘅满足感都唔同，电视剧屋企人会睇到多啲，日日都见到你，同埋集数比较多，可以喺角色里面玩好多嘢。要我拣，我系钟意拍电影多啲，因为每样嘢都再Detail啲，画面上嘅呈现都唔一样。”
以往大家提起周秀娜，难免会将焦点放在身材上，不过她近年成功由初入行靠身材的𡃁模，转型成为一位用演技说话的女演员。要搣甩花瓶形象，周秀娜坦言：“系要多啲努力。我谂系需要花多啲时间。”她也自觉幸运，一开始对演戏一窍不通，但一路都有不同的机会给她去尝试不同的角色，“我觉得每一个演员，身上都有佢哋嘅独特之处，性感好定唔好呢？我觉得好嘅系令我啱啱出道嘅时候，真系有多啲机会去拍戏。我好想让大家睇到我对演戏嘅喜爱，而唔单单记住我只得性感。我觉得时间系会话畀大家听，我系有畀心机，真系想演戏。”
曾被人白鸽眼 演员身份得到满足感
在这个过程，周秀娜也曾经历被人白鸽眼看不起，“实有架！因为最初你只系一张白纸，又冇同你合作过，就会怀疑你得唔得㗎？但合作嘅过程系无嘢嘅，最多畀导演闹两句，因为最初接触电视剧时，又唔熟，成日会出现行错位同遮镜头嘅错误，不过最开心系拍完成套戏后，导演话合作得好开心，同佢印象中嘅我唔一样。”
对于现时获得演员这个身份认可，周秀娜坦言是会有成就感，和满足感，尤其是每次拍戏演完一个角色的时候，这种感觉是有别于以前做模特时，“其实我由初入行时已经系好想拍戏，当妳愈接触得多时，就会觉得呢样嘢可以好长远，因随着年纪增长、经历不一样嘅时候，对身边所有嘢嘅感受都不一样。我钟意拍戏系因为觉得每一个电影或电视剧作品，系可以一直流传落去，亦纪录住自己每一个时期。”现在喜欢别人赞妳靓，还是赞妳好戏？周秀娜笑言：“当然系钟意人哋钟意我嘅作品啦！”
单身10年：我唔系好钟意解释好多嘅人
对比在事业上不断求进，周秀娜在感情上却交白卷，自2013年与陈伟成分手后，都单身了10年：“系咩？原来已经咁耐，我无去数啊！亦无咩感觉，可能我习惯咗一个人，依家都系一个人。（唔会感到好Dry？）我拍戏咁多感情线边会Dry？而且Keep住做嘢，时间真系过得好快。”
由于最浪漫、最伤心和最轰烈的桥段，周秀娜在戏剧世界中都已经试过，所以现实中的她追求两个人一起开心就得，“最紧要大家相处得到，唔使讲太多嘢都明白，我唔系好钟意解释好多嘅人。”而在这10年间，周秀娜的感情生活一直是个谜，她说追求者是有的，也遇过可了解物件，与对方从朋友开始相处，但最后都因工作关系，大家生活圈子又不同，加上对方不理解她工作性质而未能维持下去：“我都话我唔系好钟意解释嘅人，同埋唔系做呢行嘅人，可能睇新闻就会好认真，如果对方唔了解、唔体谅就好难行落去，所以我要拣一个足够成熟嘅人，圈内、圈外都无所谓。”
回应隐婚“都市传说”
另外，一直有个都市传说，盛传周秀娜已隐婚，开头都以为周秀娜会以“唔回应”甩走笔者，没想到她一点所谓都没有，还搞笑说：“如果你有相或片，唔该你快啲放出嚟。我有听过呀，都几无奈，身边嘅朋友都有嚟问过我，觉得好夸张，我听到嘅时候直头觉得：‘咩事啊？’都唔知喺边度出呢个都市传说，系咪鬼故嚟㗎！”
问到她对结婚可有憧憬？周秀娜笑言因为这个“都市传说”，现在惊了。不过她之后再认真说：“以前都有嘅，但依家又无话一定要结婚，两个人开心咪一齐，唔开心都会离婚㗎。即系我觉得无谓两个人一齐唔开心，咁我宁愿一个人都可以好开心。父母都已经放弃咗我了，哈哈。”