专访｜蔡颖恩透露属林皓霆治丧委员会 兑现催生B遗愿：努力紧
蔡颖恩（Evelyn）日前现身尖沙咀餐厅接受《香港01》访问宣传新剧《叠影狙击》，Evelyn雀跃表示这是她第一次参与TVB剧集，随即滔滔不绝笑言：“我系睇TVB剧集大架！细细个已经钟意睇，好想同欧阳震华合作拍剧，好钟意佢嘅电视剧《洗冤录》。”她继续指自己的第一套TVB作品就能够成为台庆剧，十分荣幸得到观众的支持。
新剧挑战饰演创伤后遗症女仔
讲到今次在新剧之中饰演涂文雅一角，她坦言角色很难揣摩，并表示：“我系一个富家千金，有一个好锡我嘅哥哥，系黄浩然饰演。剧集当中我系一个受尽创伤后遗症影响嘅女仔，所以我都特登做定功课去揾一啲经历战争或者校园经历嘅影片去揣摩角色。”提到在新剧饰演亲生哥哥的黄浩然大赞情绪崩溃的戏份超级入戏，她表示：“𠮶一场戏系创伤后遗症，失控淋腐液，之前我都有同老师去上堂理解点样去揣摩呢一个角色。”被问到会否太入戏无法抽离角色，她指当时需要连续拍两个剧集收工必须离戏，并表示：“放咗工我就要做返自己，做太太，又要去煮饭。𠮶阵咁啱疫情，所以就做煮饭婆。”
从未收过裸露戏剧本邀请
出道14年过去曾经推出过不少影视作品，提到有否经历过Casting失败，她坦言：“唔少嘅Casting导演会同我讲我好钟意你，你好啱个角色，不过有啲细节你再调节就会完美，有人补咗𠮶个角色就会选择其他，其实都好正常。”至于会否抗拒接拍比较性感裸露的戏，她笑指从来没有接过类似的剧本，并继续指：“如果好似《色，戒》咁嘅戏都会去casting，想认识见吓李安，我纯粹谂住去追星，去望下！我觉得每一个角色，如果角色唔适合我我就唔会强求。”过往有不少观众对于Evelyn在电影的起步发展顺利，不过后来未能够持续保持人气，她真情剖白：“冇话顺唔顺利，真系咁岩遇到《岁月神偷》呢个角色，我觉得所有嘢都系缘份，第一次拍电影已经可以参与咁厉害嘅班底，对于我来讲我觉得每一次都系好好嘅经验，冇话起步好唔好嘅，只不过我觉得自己都有啲幸运！”她继续指其实事业是要靠缘份，并表示：“有我会好开心去做，冇我又唔会好唔开心，我有阵时都会同公司同事讲系咪自己唔够积极。”
恨做旅游节目主持
被问到除了拍戏之外还想挑战什么，她表示希望未来能够主持旅游节目，期间更畅所欲言说：“例如去西班牙啲小镇，或者日本偏远嘅地区又好少去，同埋我自己好钟意食嘢。”至于有考虑与那一位对象合作主持，她说：“啲同事好钟意同我一齐做嘢，我觉得入咗行14年都好开心，过去都曾经尝试过好多唔同嘅嘢，我唔系一个可以坐定定嘅，我好花心，我喺爱情上就好专一，工作上同埋兴趣上我就系好花心，我咩都想试同想做。”
透露会担任林皓霆治丧委员会成员
提到上月与逝世的好友林皓霆（Charles）合共一起主持的节目《衫P》进展，她表示：“呢样嘢我就觉得系公司嘅决定，我觉得冇乜嘢可以讲。”至于日前已经公布Charles即将会举行告别礼，问到是否属于治丧委员会的成员之一，她说：“当然啦！我觉得现在好好带着佢嘅Energy去好好生活同保重。”讲到Charles生前心愿透露希望做孩子的契爷，她感慨表示：“生咗先算努力紧！”她继续指自己接近一星期没有见过老公。至于现时心情是否平复，她说：“带着佢嘅力量好好去生活，好好去工作！”提到Charles生前有否透露自己受情绪困扰，她直言：“细节嘅嘢就唔讲啦！始终都系佢嘅事，我唔系佢唔能够代表佢讲啲乜嘢。”
Outfit credit: ISABEL MARANT
Jewellery: BVLGARI
Hair: Milk@XENTER