专访｜黄浩然恨同钟楚红拍戏 自爆曾偶遇女神兼Fans上身讲呢啲
48岁黄浩然最近为了新剧《叠影狙击》宣传，重返娘家TVB将军澳电视城接受《香港01》访问，他雀跃兴奋地说：“入嚟觉得好开心，见到保安哥哥，都仲系好亲切，始终都系TVB拍咗10几年剧！”他忆述当年在TVB打拼的点滴，一度爆笑表示：“喺TVB仲多过系屋企，每一日都系瞓三至四个钟，喺每一个角落𠮶度流连 。”他在访问期间更滔滔不绝分享：“怀念一班同事喺canteen一齐食饭，系唯一嘅时间可以偷瞓15分钟嘅地方。”
新剧演反派走暖男路线
他在新剧《叠影狙击》中饰演涂文诺，角色身份是上市公司总裁CEO，角色定位看似反派，事前做好准备功夫，演绎角色拿捏好风格，走暖男路线。他指角色的特别之处，反而重心放在兄妹路线，并表示：“佢唯一对一个人无私嘅，就系佢妹妹，唯一担心就系要安顿好个妹，不惜一切去保护佢。”
提到饰演亲生妹妹的蔡颖恩比较少拍剧，他说：“私底下我都认识佢，所以我哋嘅感觉同默契都唔需要点样去培养，因为本身都有亲切感，对佢来讲系难嘅，因为佢要做一个情绪有问题嘅女仔，情绪嘅波幅都好大。他继续指蔡颖恩需要歇斯底里爆喊崩溃，更一度大赞对方的表现：“佢演绎得好好，佢入咗戏我听到佢把声喺外面一开工，我毛管都动，佢一定做咗好多功夫。”
大赞周秀娜肯搏命敬业过敏照开工
讲到今次角色演绎反派，会否担心观众太入戏导致出街俾人闹，他笑说：“冇㖞！好多网民同观众都叫我做老公，我自己都觉得好好笑。大家都会觉得，好钟意霸道总裁有恋爱脑，好暖男，我自己设定嘅嘢都做到，大家唔系憎呢个反派，我好开心因为佢哋话我觉得如果我系我男朋友就好啦！做反派人哋钟意你嘅满足感系更大。”至于有观众指剧情“烧脑”，他坦言：“会㗎！因为我哋自己睇剧本嘅时候，好详细去咀嚼每一场戏，个故事好复杂，男仔𠮶条线已经算好，反而周秀娜要一人分饰两角，所以佢嘅角色更烧脑。”他大赞周秀娜肯搏命无惧拍摄地点“好污糟”，并表示：“佢敏感全身都红晒，食咗药打咗针，第日都要开工。”
曾患贝塞特氏症影响停工10个月
提到当年曾大病一场，重新调整拍剧模式，他忆述：“个病系贝塞特氏症，都系免疫系统出现问题，唔够休息，太大压力食得唔好。全身嘅血管都会发炎，如果心脏同埋个肺发炎就会死，所以现在会比较注重身体，会举手投降真系要休息，现在唔可以以前咁净系瞓三四个钟。”至于有否考虑转行，他说：“冇啊！因为钟意演戏，同埋难嘅时候都会有屋企人支持你，一路拍剧10几年都冇谂过要点样行，病咗𠮶阵时休息咗10个月，开始就谂嚟紧要拍咩。”
望夺得影视奖项
讲到剧迷一直为他感到不忿，入行多年未曾夺得视帝，他说：“未得到人哋认同就冇㗎喇！就要更加努力，去做好佢。你话奖项其实我攞过，飞跃进步一个奖，另外就好难嘅要天时地利人和，又要做得好观众投票俾你，公司又要你做得好，但系初心冇变，都希望做好每一个角色。”他继续指从来没有忘记过奖项，并表示：“而家出返嚟拍电影，其实电视同埋电影嘅奖项我都冇忘记过，有嘅都一定好多开心，对我好大嘅鼓励。”至于过往有否感到呼声极高靠近视帝殊荣，他说：“咁我又冇咁谂，反而系飞跃进步，𠮶一年我都觉得好大机会，最深刻就系《公主嫁到》同《巾帼枭雄之义海豪情》，全年最高第一同埋第二名嘅剧集，另外《情越双白线》都好好成绩，咁就真系中咗。”至于现时是否对剧本都有要求，他表示：“我哋演员好被动，其实都冇用，每一个工作都更加珍惜，做嘅角色越来越多，接触呢一行越嚟越耐！你会发觉幸福唔系必然，今日有呢个角色俾你求其做，你之后就会后悔，永远都当最后一场戏咁做。”
兴奋分享巧遇女神钟楚红点滴
提到演戏多年，最想跟那一位演员合作，他表示：“例如再同刘德华啦！新演员又想，希望可以有好多唔同嘅嘢同埋新鲜感！最想同钟楚红拍戏，佢系我女神，我今次去马来西亚拍戏，喺一个场合偶遇到佢，我系一个小粉丝咁样走埋去，同佢讲可唔可以影张相，佢系好Nice，冇办法巨星真系巨星，好亲和同埋仲系好靓，好吸引人。”提到对方是否得知到你的身份，他笑说：“我唔知道佢识唔识我，我话我系黄浩然，我喺香港演员可唔可以同你影张相。”
Hair: DY @ Wabi Hair
Make up: Terence Cheung