【兰花刼】苏玉华都系第一次睇 10年后出土：当《大时代》咁睇！
撰文： 温菁莉
出版：更新：
睇到观众眼痛的TVB低清剧集《兰花刼》，剧中演员苏玉华、陈锦鸿及黄智贤等下午出席宣传活动。势估唔到原来苏玉华都系第一次睇，“唔明点解10年后先播？”提到画质太差备受批评，阿苏就话，“咁的确佢系一部旧戏，我咪当睇《大时代》同《轮流转》。”
+3
阿苏指撇除视觉技术上的问题，剧情系十分值得收看。但现实是残酷的，因为《兰花刼》上星期首周收视平均只得18点，阿苏指一向对收视都唔关心，“演员做好自己本分就得，佢几时播边度播，我都决定唔到。”而剧中因曱甴大特写收到广管局投诉，阿苏闻言后霸气地表示，“无见过曱甴咩，现实生活都有曱甴㗎。”真系完美K.O一班观众。
而阿苏早前就拍摄完TVB剧集《平安谷之诡谷传说》，她提到工作表已排到明年，至于离巢是否属实？阿苏表示，“与TVB的合约至到今年11月，仲未决定之后嘅去向。”
阿苏都系第一次睇，就连陈锦鸿都系，他表示播到出街系一种bonus，“原本以为佢唔会播，咁播到当然好，俾多啲观众睇到我地好俾心机做嘅剧。”仲话唔会担心收视，“宜家咁多人睇，起码都有观众睇。”提到近年咁多前辈级演员回巢TVB，同样系有好多经典作品嘅陈锦鸿透露与HKTV仍有合约，“我份约至到出年2月，等完左先算。”