尹光宣布53年首次收到叱咤入场券　透露装扮：揾啲靓啲潮啲嘅衫

74岁尹光昨日（19日）现身将军澳电视城出席《万千星辉贺台庆》担任表演嘉宾，他接受访问表示：“都好耐冇返嚟啦，都应该几多年，疫情都几年啦！我以前都系TVB有约嘅，都续咗几年约，跟住就一路唱歌，间中都会上TVB玩，娱乐嘅嘢。”他继续指这是第一次参加台庆，并表示：“原来系咁好玩，原来要预备好耐，几个月功夫去准备，跳舞跳得好齐整唱歌唱得好好听。”

讲到观众只是唱了几首歌不够喉，他直言：“唔够喉就听我演唱会，啲飞难买下一次就开多两场。”被问到是否已经计划开Part 2，他表示：“因为而家搞紧世界巡回演唱会，公司已经帮我接咗出埠去美国、内地及澳门等，开几多场就公司决定！”

讲到会否考虑多回巢TVB工作，他说：“我同志伟哥哥（曾志伟）讲咗㗎啦！叫我返嚟玩我钟意玩㗎！”至于对方是多久之前发出邀请出席台庆，他笑言：“都一个月前，要返嚟排练！”被问到会否考虑接拍TVB电视剧，他说：“一定会有兴趣，但要畀啲有角色我去做就得㗎啦！行嚟行去入返去𠮶啲就唔好啦！最起码都要有对白，一句就少啲。”

提到入围叱咤颁奖典礼男歌手十强，他说：“我睇到，入到十强我已经好满足啦！如果再入到五强我真系唔够胆谂。”至于谁最大竞争对手，他表示：“我唔够胆谂，我只不过系一个普通歌星，十强嘅竞争对手都好劲，我就系好普通。”被问到到时会否出席颁奖典礼，他直言：“无论得奖唔得奖都要去撑吓。（是否准备好战衣？）未呀要慢慢揾，叱咤要揾啲靓啲潮啲嘅衫，要HIGH啲！”讲到是否已经收到入场券，他直言：“暂时应该公司收咗啦！”