女团Me&初登舞台嗌紧张　Mandy激罕低胸上阵：呢一刻仲出紧汗

寰亚全新女团Me&全队员今日（18日）火辣性感登场现身西九文化区出席音乐会，这次是Me&首次公开表演唱新歌《 Eye to Eye 》。她们接受访问表示：“其实我哋三个都好紧张，对上一次踩台已经系一年几两年前，今日真系好开心！”她们继续指今天表现相当不错，并表示：“我哋平时练习都用咗120分嘅努力，等我哋上台有咩甩咗嘅时候，有六十至八十分嘅水平，大家都系好高分嘅！”

被问到会否陆续推出新歌，成员黄淑蔓(Feanna） 说：“等公司安排，我哋都有准备定啲新嘅作品，可能系广东话版本，唔知㗎睇吓大家反应如何！”讲到三人打扮今天比较性感，Feanna表示：“我今朝好惊，今朝我哋彩排嘅时候谭旻萱 (Mandy)着背心，我就着到冬天劲冻咁样，我就心谂你地两个会唔会冻㗎！”Mandy则表示：“其实我上台𠮶吓已经出晒汗，到呢一刻都仲出紧汗。”

讲到年尾乐坛颁奖典礼将近，有否为同公司的师兄师姐投票，Feanna回应：“我啱啱见到十强里边有冯允谦，好开心我有份投佢票。我当然希望我哋公司有好成绩，都可以攞奖啦！”Mandy反问十强有“伊光”，队友立刻矫正Mandy读错名，并表示：“系尹光前辈！重新嚟过cut咗佢！”被问到会否希望跟对方合作，她们异口同声说希望可以合作，并表示：“我哋听咗佢首新歌好正，佢真系第一个跟得上潮流，我哋啱啱喺后台其实有见到佢，我哋净系同佢鞠躬，好惊尴尬！”