冰上火花|杨天宇撑绯闻女友林恺铃新戏 激赞好女仔:冇人唔钟意
撰文: 苏国豪
出版:更新:
艺人杨天宇(Angus)今(15日)出席电影《饥饿游戏前传:鸣鸟与灵蛇之歌》首映礼。而在接受访问时,对于问到有关绯闻女友林恺铃问题时,其有问必答,显得相当大方。
最近与林恺铃(Ashley)传绯闻的Angus,在问到有否看绯闻女友正热播中的剧集《冰上火花》时,他就二话不说:“有,我唔系集集追。我睇剧系做功课咁样睇,除咗套剧好睇之外,我会用一个演员身份去睇表演多过睇剧情,会谂如果摆我落去,我会有咩唔同效果咁。(有冇睇到Ashley同柯炜林锡锡?)有睇(心情点?)我觉得几好睇,拍得几靓。(有冇代入去?)冇啦。”
而续问到会否想与Ashley合作拍剧,他就表示:“一定想同未合作过嘅人都会想尝试。(想拍咩型别?)其实冇所谓。(对Ashley有咩印象?)好斯文好有家教同埋好为人着想。(系唔系你心目中女朋友型别?)冇人会唔钟意呢啲人。”似乎对Ashley评分相当之高。
另外,提到圣诞节将到会不会相约对方一起庆祝,他就二话不说:“未有plan (私下有冇互动?)其实我私底下除咗做运动,煮嘢食,好多时都会留喺屋企。”而目前他正在忙于拍摄电影《怒火漫延》,同监制兼主演的刘德华有不少对手戏,并激赞对方非常之好,会照顾后辈。