反黑2｜与陈国坤争做和兴盛揸fit人　谢天华：要抹甩Laughing影子

《反黑2》终于落实开拍，饰演神爷嘅陈惠敏在最后一集时向神秘男子表示“Michael系时候返嚟喇！”等足6年，饰演神秘男子Michael嘅谢天华终于光明正大见人。喺二季度中，Michael由外国返港后，将与由警察变节成和兴盛主席嘅“将军”陈国坤恶斗，再加上招积、凤凰等角色，确系值得期待。一季度拍出口碑，作为新加入的一员，谢天华表示有压力都正常，并谓：“拍出嚟更好睇 ，因为当你遇到好对手时 ，系会提升到自己。”

而由正变邪嘅陈国坤明显轻松得多，他说：“因为导演写剧本时，已设定好有新角色去冲击大家，虽然一季度大家都钟意， 但二季度唔可能再围绕返一季度去讲 ，山聪、天华嘅加入会带起瓜葛、磨擦，其实咁先系好，我宁愿有好过无，唔通又成班人喺警局咩。同埋我哋俾剧本大家睇时，佢哋都会同边个对手，个feedback系证明个剧本系得。”陈国坤由张Sir变将军，他透明二季度已经无得返转头，与昔日B1-1手足对立。

做过大天二又做过Laughing，谢天华以“有趣、未遇过咁嘅背景”形容Michael一角，对应上一季奸角无好下场，谢天华亦剧透：“所有影视作品坏人都无好下场，但又唔会白白牺牲。有啲反派嘅下场，会得到观众同情或者成为经典，有时甚至正派死咗观众会拍手，而家似乎兴模棱两可或灰色嘅设计，好似咁先吸引人。”会否想以Michael一角超越Laughing，谢天华表示不会有这种想法：“系会尽量去演Michael而唔会俾大家觉得佢似Laughing，要完全地抹甩Laughing影子。”

身为监制之一嘅陈国坤亦谓“最多会多一个标签 ，但唔会超越，我睇完剧本完全唔觉得似Laughing。”问到除咗Michael一角之外，会否想挑战其他角色，谢天华秒答：“想做佢（陈国坤）老婆，够爆炸性啦？”而陈国坤就觉得与张Sir夹到要结婚的地步，所以从未考虑其他角色。“ 如果可以会想试小春个角色 ，因为佢角角色好多交集 ，串连太多， 佢由卧底变返警察， 同我经历系相反，甚至招积都想试 。”