专访｜许廷铿曾盲目追奖 换个更襟玩方式：有呢个谂法我真系老啦
创立个人唱片公司“自许纪录”两年多，一张大碟再加一年一骚，撇除乐坛成绩表部份，许廷铿认为进度已是超额完成，而前提是他已分别拥有过叱咤男歌手的金、银、铜奖。“拎到之后系咪想拎更多呢？对我嚟讲又好似唔系，自己有呢个谂法都几suprise，我谂真系老啦。”
用多嘴回馈乐迷
首个户外骚取名为【SANTA JAMBOREE音楽生活祭リ】，部份灵感来自一次在日本露营体验，许廷铿几祭典发挥到极致，下午市集、晚上演唱会，市场嘅每个摊位均会与自许纪录cross-over，这种玩自己的行为，连他也笑言时间系分配唔到，并且需要夹硬嚟，证明老板总是任性的。“上年个骚以演唱会形式做新碟发布会，中间我系完全无讲嘢，我准备时先发现原来无稿都要度，譬如歌与歌点connect，其实对观众质素同诉求都好高，所以今次想回馈返大家，唔需要太多思考，希望睇完系幸福同欢乐。”
KC重燃跳舞乐趣
熟知许廷铿的话，都应该会知道他是何等喜欢讲嘢，所以他说去年斋唱其实忍得非常辛苦，亦预告今次会多嘴啲。开得户外场，想要好气氛，舞曲似乎不可缺少，为此，许廷铿找来《造星V》KC排舞，却想不到有意外收获。“之前都觉得如非必要都唔好再跳，唔系尴尬， 而系唔自在，而我应定咗嘅嘢系好少推翻，但呢位小朋友有办法令我跳得enjoy。 譬如我有一个动作，心知佢觉得我做得唔系特别好，佢会叫我试下另一动作，试完佢会话呢个更好；之前《假面具》时，有啲合作过嘅人话我跳舞劲咗，我觉得唔系劲，而系揾到一个啱嘅方式，系几惊喜，KC真系有啲嘢。”
重心不在追奖
成立“自许纪录”两年，许廷铿以“同路人”形容身边的合作团队，由TVB年代已认识。会否担心同路人因讨好老板而报喜不报忧，或只讲好说话？他说：“我都几肯定我唔系特别需要讲啱我嘴形嘅人喺身边，我希望唔会系睇法上有盲点，亦唔希望封住耳仔，听自己想听嘅嘢。”作为独立歌手，要在颁奖礼上争取一个上台机会并非易事，但许廷铿认为自己的重心并不在追奖。“好多人问我系咪想用《一场同学》冲奖，呢个游戏我以前都玩过，都唔会系咁做，我更在意如果呢只歌好似《青春颂》可以留低，十年后拎出嚟讲同听，会更有价值。十年后又多一个故事去延续，好似更襟玩，坦白讲，好庆幸我拎过，唔系唔恨，但唔系呢间公司做法。唔知几时会想拎 ，但呢刻无，我谂系随年龄令心态有所改变。未得到系一定想要，而呢个想要会系几盲目，到拎到之后系咪想再拎多啲呢？对我来说又好似唔系，有呢个谂法自己都几suprise，我真系老啦。”
期待与欣宜下一个十年
《一场同学》令“神隐”半年嘅欣宜再次出现大众眼前，许廷铿认为此曲是她与欣宜的友谊认证，而他亦并非对方的一位过客，二人向来以“异父异母低能巨孖宝”相称，又何来过客呢？许廷铿说：“因为前排我同大家一样都系揾佢唔到，有段时间系担心佢有事，但呢种担心系咪变成我可以不断揾佢到出现为止呢？又唔系，我对佢嘅信心系佢ready就揾返我，而佢真系做到，不枉我呢半年不断地相信。因为我知佢性格，佢系迫唔嚟，但我又唔觉得佢系会乱嚟，所以俾合适当嘅空间佢，其实系佢提议不如一齐拍MV‘与其我出返嚟做商演，不如将呢个moment俾你’好感激 ，唔知点解系我，又唔知点解系佢，一齐期待下一个十年会同佢做啲咩出嚟。”