邓丽欣唱出瘾望杀入红馆　一句说话亲证Kary、Miki已破冰

邓丽欣（Stephy）举行《STEPHY Therefore I Am》演唱会，全晚唱近30首歌，当中包括《他不准我哭》、《蓝鞋子》、《电灯胆》，而唱《最后一块》时，台下嘅几位饼碎成员都眼湿湿。

完骚后，Stephy接受访问时坦言唔够喉，但由于今次台上很多呈现的东西都是一次性，如果要重设有一定难度，问到会否挑战红馆，Stephy表示：“系每个歌手嘅梦想，但唔会特别去谂，交畀公司处理。” Stephy又话除Fans买唔到飞之外，自己朋友亦都冇飞，所以希望明年能补偿大家。 问到Cookies会否有机会开骚，Stephy表示要问返大家，而提到Miki与Kary坐埋一齐时，Stephy更反问：“点解唔可以？（关系好？）无问题。 ”，并透露二人私下亦有见面，足见已冰释前嫌。

Stephy透露在彩排时第一首歌《分手的情书》已经喊，她当初希望能在彩排尽喊，以免观众买飞入场睇自己喊。“经典歌我真好想好完整地唱俾大家听，所以我终于控制到。”问到会否想集齐Cookies成员做观众，Stephy即话：“希望，但集齐晒我应该唱唔到，真系一望到就唔掂，同埋Helena同Serena 喺外国，无咁易返嚟，我都希问过佢哋。”