村超｜明星足球队赢波　陈百祥兴奋预告踢到83岁：系我第三次高潮

“香港明星足球队X榕江村超联队”足球邀请赛2023今日（11日） 在香港大球场举行，最终明星足球队以3比1的成绩获胜。对于有如此佳绩，陈百祥在接受访问时表示：“我13岁嘅梦想系喺大球场主场踢一场波，终于喺73岁、60年后做到啦！”他续指等了半个世纪终于做到，简直是肾上腺上升。

讲到心情是否相当兴奋，他表示：“啱啱佢哋话畀我听抖音有破亿人睇，我谂香港未试过破亿人第一场球赛。”至于会否感动流泪，他说：“唔会，都已经预计咗㗎嘛！因为冇一场比赛系中央卫视、凤凰台、抖音全程直播，我谂系中国嘅足球队嘅第一次！”被问到在球赛中哪一场最深刻，他表示：“原本我哋输，其实头15分钟就冇得踢㗎啦！佢哋快我哋好多，但估唔到一个反攻系佢哋自己顶入去，佢一泄咗气呢就冇晒气势。”

讲到今日老婆坐在观众席全程尖叫支持，他说：“我觉得佢会感动流泪，个阿伯仲可以跑来跑去。食软饭㗎嘛大佬，佢唔开心就会攞藤条打。”他更兴奋表示今天已达到人生第三次高潮，他说：“我依家四点几五点就笑醒，点解73岁会有咁样嘅奇遇，因为一球头槌有50亿点击之后，全世界请我对队波去踢波，要搞到人哋嚟挑战我哋！呢个系我第三次高潮，第二次系赢咗比赛，第一次系认识咗我老婆，足球我踢到83岁就会退休！”