刘銮雄记者会｜疑暗串吕丽君数“贱人”七大劣迹：全家纳米型贼仔

富商“大刘”刘銮雄今日（10日）突发在下午三时半现身铜锣湾举行记者招待会，大刘在会上澄清近日不实传闻，并表示：“目的系想还老婆一个公道。”在记者会上他狂数“贱人”的不是，疑似将矛头指向前女友吕丽君，他更细数过往的种种恩怨！

疑暗串前女友吕丽君系贱人　为力撑太太甘比出面

刘銮雄在记者会上第一时间表示：“越做越离谱，首先我好后悔一年前我帮个贱人，当时我帮佢，唔想佢破产。使钱事小，点知佢唔使破产有自己嘅网上打手，我澄清没亏损200亿，而有赚有亏损都系自己决定，而投资艺术品都有赚200亿。”他续指之前传太太甘比（陈凯韵）出局是不实，并表示：“甘比有制止我唔好嚟，我就系出嚟、就算系跛咗同瘫咗都要出嚟，火都嚟X埋。”至于有记者提问道“贱人是吕小姐吗”，他就答道：“嗱，我冇讲呀！”

暗指吕丽君请人做打手　以金钱渠道查证真相

刘銮雄在记者会上表明已经得知谣言的来源，他说：“不实嘅造谣，呢个人叻喺边呢！佢系网上特攻队，听闻过总编辑负责带领《忽然一周》，就系专负责做呢啲嘢，其实做乜事我都忍，不过话我损失200亿，全部都系作出嚟，仲有提到我就嚟死！”他表明不实的内容全部是对方捏造出来，并表示：“佢有网络打手，佢好精㗎！喺香港出就好容易畀佢睇到佢出，佢唔系！系由香港转去内地𠮶度出，我check晒出嚟！”他续指自己不懂用电脑及手机，透露自己透过金钱的关系渠道去查到事情的真相：“第一次睇到咁多，又话全部财产畀个仔，甘比又被踢出局，点解要咁讲，因为自己开心，觉得讲讲吓有人信。”

自爆曾在“贱人”的儿子面前闹过对方

讲到会否有反击行动，他说：“我最后悔就系帮咗佢，应该由得佢破产，老婆都叫我唔好开记招。”提到会否有法律行动，他回应：“唔会，有一次佢（贱人）揾律师十一点十二点畀文件我。”另外他提到曾有一次在对方的儿子面前闹过她：“你妈妈今次仆X，都唔系第一次，都帮过佢三次！”被问到私底下与对方联络一事，他说：“佢扮到好X nice，我冇呃你㗎！见咁X贱咁坏嘅人都真系未见过。（坏过凯婷？）他尴尬回答：“我又Old又out，我梗系知系个笑话啦！”

被问会否考虑争夺“贱人”儿子的抚养权

大刘在记者会上多次提及“贱人”的各种举动，被问到会否考虑争夺儿子的抚养权，他坦言：“我净系想讲现在个仔得13岁，佢18岁就可以独立选择跟边个住，佢肯跟我住我就会同佢一齐住！”他续指人会变，并表示：“佢今日话跟你住，可能听日又话唔会，做乜都要听其言观其行，今日讲乜嘢都冇用！”

澄清遗产分配问题　信任甘比兼炮轰“贱人”

被问到会否因事件影响自己会有戒心，对于遗产分配问题会再调整，他表示财产已经一早分配好，并表示：“我现在乜嘢都冇，但系我相信我呢个老婆陈凯韵，我叫佢做乜嘢都会做。”至于会否分配身家给“贱人”，他坦言：“贱人梗系唔会啦！你呢个问题都有少少问题啦！我长命一万岁都冇机会啦！佢实破产㗎！贪到死，乜嘢都要借，你睇佢买𠮶个晋环，畀10% deposit，畀15%政府！”他续指自己遇过的坏人也不少，并表示：“我见坏人都见唔少，但咁X贱咁X坏嘅人，都系第一次见！”

自揭急于与陈凯韵结婚原因　竟同吕丽君有关？

过往有报道指甘比的母亲以换肾为由，要求刘銮雄迎娶女儿，对此，大刘澄清道：“我换肾衰竭，都揾个后生啲啦，揾个老人家嘅嚟换！”他还提及当年出院的情况：“我出院时，佢见我未死得就扮Close，我即刻同陈凯韵结婚，点知要分身家先有保障。我开记者会之后一星期，我同律师讲宁愿分错都唔愿畀佢得益。可能我斗零都唔分，可能留畀我老婆同佢三个仔女决定，怕俾佢挞埋。”

刘銮雄嬲爆大闹“贱人”全家：佢全家都系纳米型贼仔

刘銮雄在记者会足足一小时不间断提及“贱人”过往的恶劣行为，讲到过往有否与“贱人”沟通过，他说：“梗系有啦，但有用咩？佢全家都系纳米型，你知咩叫做纳米型咩，即系贼仔，全家冇一个好人。”至于被问到最后一次与对方见面是什么时候，他坦言：“我梗系唔记得咗啦！如果我日日几时见过你几时见过佢，咁咪好唔得闲！”