刘銮雄被问到会不会分遗产给某贱人？答：贱人梗系唔会啦！

刘銮雄在今日（11月10日）召开记者会，就多篇内地互联网文章对的遗产分配报道作出澄清和回应，被问到看好由甘比还是哪个仔女日后接手公司，大刘表示：“能者居之”，不作回应。有记者继续问大刘，是否“一定唔会分俾某啲人，某啲贱人？”，他就显得很激动说：

“贱人梗系唔会啦！你呢个问题都有少少问题啦！我长命一万岁都无机会啦！佢实破产㗎！贪到死，乜嘢都要借，你睇佢买𠮶个晋环，畀10% deposit，畀15%政府！你够姜嘅，你畀晒现金啦！我见啲有钱佬老婆畀现金，收租唔驶惊个payment吖嘛，但畀10%deposit，畀15%政府，你话系咪傻㗎？问题都唔系问题嚟嘅，你话系咪傻傻哋吖。我由几岁𡃁仔瞓地下到今日，都未见过咁坏嘅人，我见坏人都见唔少，但咁X贱咁X坏嘅人，都系第一次见！”

大刘强调“贱人”无脑，又形容对方是鸵鸟：“以后再唔会救佢，再无关系。我打畀仔女时，佢就搭嗲，你估我会唔会听佢电话？我出院时，佢见我未死得就扮Close，我即刻同陈凯韵结婚，点知要分身家先有保障。我开记者会之后一星期，我同律师讲宁愿分错都唔愿畀佢得益。可能我斗零都唔分，可能留畀我老婆同佢三个仔女决定，怕俾佢挞（偷）埋。”

刘銮雄一直不直接说他口中的贱人是谁，翻查资料，吕丽君于2021年斥资逾1.4亿元买入黄竹坑站晋环4个单位，但其中一伙疑似挞订，其余3伙亦未完成交易。今年初大刘以首置名义，用4,000万元向吕丽君买入湾仔壹环的单位，另外亦有报道指刘銮雄和甘比接收了吕丽君位于金钟远东金融中心价值1亿元的半层写字楼单位，同日吕丽君就还清了市值3亿元的跑马地独立屋按揭。