林泳淘做人妻两年终补办婚礼　晒鸳鸯戏水照感谢老公：世上最完美

前“东张女神”林泳淘，2021年5月成为人妻，与拍拖14年的初恋男友林卓立踏入人生新阶段，因疫情关系婚礼拖足2年半，如今终于成事，近日两人到外地举行婚礼，邀请少量亲友出席，林泳淘搞笑表示：“第一次结婚好多甩漏招呼唔到，希望朋友们多多包涵。”

原定计划在外地举行婚礼，但林泳淘因疫情关系改在港先行注册，仪式一切从简，只邀亲友在家中开温馨小派对，在家人与几位好姊妹见证下，与老公签纸正式成为夫妻。转眼已做人妻2年多，她不讳言有谂过唔再补办婚礼：“以前参加婚礼，每次到多谢父母嘅环节都会忍唔住跟住一齐喊，到自己嘅婚礼，谂住嫁咗咁耐，应该乜感觉都无晒啦，点知早上化紧妆，见到老窦情深深眼湿湿咁望住自己，已经一秒泪奔，喊足成朝，但系每次见到妈咪又忍唔住笑佢化完妆成个国民老妈咁（真系好似样😂！！）签纸到依家隔咗成两年几，真系谂过好几次仲有必要补摆嘛？但系见到父母嘅感动同爱，一切都好值得！！”

林泳淘上载多张照片，一行人到热辣辣异地参加婚礼，新娘子早上以大红中式嫁衣向长辈敬茶，之后换上超低胸鱼尾婚纱，一对新人在海天一色美景下情深对望，相当温馨。晚上林泳淘换上挂颈闪爆晚装，漫天如星星般灯饰又发放烟花好不浪漫！

新郎哥更在L&W大型灯箱前，搞笑高歌黄子华的《做马仔》，令林泳淘哭笑不得。她特别感谢丈夫：“多谢林生，你真系世界上最完美嘅男人，点解咁多年你都可以带俾我咁多爱同欢乐，希望你长命百岁，陪我到老。I LOVE U~多谢所有嚟我哋婚礼嘅朋友，嚟得嘅都系我哋人生入面最重要嘅朋友，无你哋无限量嘅爱同支持同帮忙我谂废hea嘅我哋真系好多野都搅唔掂，第一次结婚好多甩漏招呼唔到，希望朋友们多多包涵😂”