反黑2｜陈国坤变大反派后劲冷血 预告老婆黄伊汶唔好受
撰文： 邝钰莹
出版：更新：
《反黑2》落实开拍，陈国坤继续同老婆黄伊汶饰演夫妻，不过由于陈国坤饰演嘅张Sir变节，所以今季黄伊汶嘅戏份较少。“因为佢加入咗社团嘛，所以返屋企时间比较少，我戏份唔多，咁会多啲时间凑仔。”黄伊汶婚后专心相夫教子，就算幕前演出也只与老公打孖上，陈国坤笑言：“佢话成日对住我太闷，想接触小鲜肉，佢有咁嘅谂法，我当然叫导演安排少啲。”黄伊汶亦坦言自己颇享受凑仔，所以幕前工作交由陈国坤负责。
讲到今季剧情发展，由于陈国坤走上歪路，他透露最大受害者会是黄伊汶。“佢会惨啲，因为我做咗坏人会冷血啲，所以无咁爱佢，所以佢会辛苦啲，总之出亲场都唔会好受。”