反黑2｜陈小春、谢天华收友情价薪酬 一早度定期开工
撰文： 邝钰莹
出版：更新：
《反黑2》相隔6年落实开拍续集，身为主角之一嘅陈小春今午出席记者会时，都不禁表示“以为无咗，点知无放弃，坚持到今日终于同大家见面，守得云开见月明。”
新一季加入唔少角色，当中包括上集最后一集闪现背影嘅谢天华，陈小春话同熟人一齐开心特别开心，以对于有传奥斯卡金像影帝罗拔迪尼路将加盟，谢天华表示：“以我所知佢哋系有倾过，因为剧情需要有外藉演员，咁都想揾大家熟悉又钟意嘅演员。”陈小春就话外藉演员名单都系由报道得悉，未有向导演宋本中求证。
《反黑2》制作费逾2亿，问到小春可有加价，他说：“我哋唔讲呢啲嘅，（友情价？）正常啦，budget 多咗咪用喺制作上。”而讲到拍摄期长达一年，会否影响其他工作，小春表示明年工作除音乐剧同商演外，其余时间全留给剧组。“可以度嘅，唔系话唔得嘅，同埋依家交通都方便。”