冰上火花 ｜黄奕晨打完冰球反思人生 朱鉴然克服伤痛揾定位
朱鉴然、黄奕晨、黄溢濠与Locker在《冰上火花》中，是火花队元老级成员，被剧组封为“四大才子”。黄奕晨笑指因演员年纪问题，所以《冰》一啲都唔青春，但热血是百分百的，剧集中心思想教大家失败过后如何面对及走出伤痛。讲痛，除咗系剧集带嚟嘅水泡、甩骹嘅痛之外，讲到演艺事业上遇过嘅痛，三位才子都讲到眼湿湿。
剧中饰演老黎嘅黄溢濠自封是受伤代表，他表示因长时间著冰鞋，起水泡已是基本。“我直情系记得边下整亲膊头，应该系拍完之黎，我哋自己玩，因为当时觉得自己好劲， 斗快溜冰， 有一下跌咗落地，到拍摄完晒我去睇医生，医生话可能要做手术 ，如果唔系会惯性甩骹，当时觉得仲郁到， 纯粹唔舒服啫，同埋一做手术要包住只手两个月，咁我唔做 。”黄溢濠最后选用了另一种治疗方法，但至今仍未完全康复，需定期覆疹。而黄奕晨拍完《冰》上后，脚踭内侧嘅骨头亦凸了出来，但医生表示“就系咁架啦”，即系无得医。
剧中火花队自失去灵魂人物百威后，全队即时一盘散沙，而各人在生活上亦面对不少难题。 三大才子认为《冰》带出的讯息是失败之后如何面对及迎接要走下去的路，就好似打冰球一定会受伤，但他们依然要上场。 黄奕晨所饰演的唏嘘，无论性格与际遇都是他完全相反，但拍摄过后，却令他有所反思。“我嘅难关系我每样嘢都有做，但唔系每样嘢都突出。拍完之后谂好多，到底我喺呢行想要咩 ？点去克服难关就系要无悔，自己每日做都要俾100% ，咁已经对得住自己，因为呢行好多嘢唔系自己可以控制，做好自己本分，如果帮到身边嘅人就帮埋，别人帮你，你都要感恩，同埋珍惜。”
朱鉴然坦言最易令自己迷失就是在圈中的定位，而当自己感到迷失时，最重要有能够倾诉的对象，尽管对方的说话唔一定好听，但一定是为自己著想。“听过最难听嘅批评说话？拍戏时，导演话‘朱，你啲嘢完全唔得，你唔好再问任何嘢、唔好再create，当自己系张白纸，听我讲就得’呢个系几难受。因为演员系搞艺术，创作性一定要有，我点去调节呢？我当时都调节咗一段时间，同埋老土讲句，克服到系会更坚强。”
黄溢濠14岁担任电影《围城》男主角，完成学业后，正式入行，演员、歌手、电影幕后工作样样都试过，一转眼已15年，难关还会遇得少吗？他说以前会揾人倾诉，但近年抖啖大气就算数。“都会唔开心、依然会积住，但孭住又唔觉有大有影响，每个人都有伤痛，呢啲嘢系成长必经。”同朱仔一样，黄溢濠对自己的定位都感到迷失，他感慨地说：“经历过咁多人塑造，好想揾真正自我。我哋正正系喺最难行嘅10年出嚟，所以面对嘅嘢好相近，有人快、有人慢，但慢唔代表去唔到终点。有咩坚持？我都唔知，有啲傻劲，如果要讲，拣入行仲大过于要唔要继续，喺度就一世，中间有闪过好想离开，但好钟意演戏、好想等到一个有代接性嘅角色出现，每日都会有呢啲希望。”
服装 : Markfast（黄奕晨）、Paul Smith @paulsmithdesign （朱鉴然）、INITIAL（黄溢濠）
化妆：Will Wong（朱鉴然）、CarmenC（黄溢濠）
发型：Sing@Artifylab（朱鉴然）、Nickienick（黄溢濠）