周吉佩游韩国同“小三”合照　隔空同太太示威：我都有

周吉佩（吉吉）早前获邀到韩国KBS电视台参加《ABU TV Song Festival 2023》，趁空闲到处游览打卡，并在IG晒出同“小三”情侣装甜蜜合照，写道：“你有男神朴叙俊好叻咩？我够有最靓小三，仲衬埋情侣装，死未？”意图隔空同太太示威。

吉吉今日（7/11）现身将军澳出席《善心满载仁爱堂》记者会，接受《香港01》访问笑说：“其实我太太佢就好钟意朴叙俊，同埋好钟意煲佢啲剧，而我个日行行吓街咁啱见到韩素希，见到好靓㖞，于是就影咗张合照，然后send咗畀我太太，同佢讲我都有啦，但我太太佢都觉得韩素希佢演戏好叻，同埋好靓。（你出埠做嘢，你太太担啱担心你会受引诱？）冇嘅，唔会有引诱嘅，因为我系绝缘体。不过太太佢主要系担心我嘅衣食住行，因为本身我都几依赖佢，原先呢个去韩国做嘢，我系有叫埋佢去，但佢夹唔到个时间，所以冇去到。”