何依婷公布婚讯晒巴黎婚纱照 好友郑衍峰守密辛苦：个嘴似拉链

郑衍峰今日（7/11）现身将军澳出席《善心满载仁爱堂》记者会。对于好友何依婷昨日（6）于社交平台突然上载3张于巴黎拍摄嘅婚纱照宣布婚讯。郑衍峰接受《香港01》访问时表示：“其实真系戥佢开心，而本身我都知佢有呢个结婚计划，变咗要我守住呢个秘密真系好辛苦，搞到我个嘴好似拉链咁，见到佢喺社交平台度公布咗，我冇咁大压力，个人轻松咗好多。而早前系《新闻女王》饭局度，系见过佢未婚夫，系高大又靓仔。（知唔知佢哋会喺边度举行婚礼？）我谂呢啲由佢哋自己向大家公布会好啲，我怕自己讲太多就唔系咁好，我惊我讲太多，佢唔畀我去呀，哈哈！”