林明祯三姐弟合体颜值高超吸睛　《饭2》冇黄子华感失望

大马女神林明祯作为《莎莎妇女银袋2023》的代言人，其今（5日）应邀出席活动，而身穿粉红色露腰长裙的她，可爱又性感，其还带同姐姐林诗枝及弟弟出席，三姐弟难得合体，她相当开心。

在接受访问时，提到是次带同姐姐及弟弟出席活动，林明祯就表好开心：“大家都好兴奋，因为我哋都系第一次参加咁大嘅赛马会。（家姐细佬留几耐？）佢7号就返去，细佬就会陪我耐一啲。（有冇时间带佢哋出去玩？）有呀，今晚就会带佢哋食好嘢，带佢哋去食点心，打边炉，香港嘅打边炉真系好好食。（有冇觉得自己好似本地人咁？）我依家系㗎喇，我出国旅行我返嚟香港，有一种返屋企嘅感觉。”

而林明祯与家人关系非常好，更因为这样不时被误会弟弟是其男朋友，问到是次带的弟弟是否就是经常被误会是男朋友那一位呢？她就二话不说：“唔系呢个，呢个更加细个，佢系我哋全家最细嘅弟弟，第四个弟弟。（同佢出街会唔会保持距离，避免有误会？）唔会，我哋都好亲密，我哋从小玩到大，所以我们都抱嚟抱去。（细佬女朋友会唔会吃醋？）唔会，我哋同佢哋嘅女朋友感情都好好嘅。”

另外，林明祯除了广告代言接不停之外，在电影圈发展亦做得有声有色，其更扬言接下来大家会一直看到她身影：“我会宣传电影，因为喺下年嘅新年我都会留喺香港，冇咁快返屋企。”而目前在香港租屋的她，表示等租约满后会考虑换大一点的地方，还打算在香港置业：“我呢度生活得好好，但系好贵啰，所以要努力再努力。”希望可以拥有海景山景的理想住所。

最后提到《饭戏攻心》将推出续集，有没有票房压力时，她就表示：“因为有好多演员呀，我唔需要惊，有好多好多前辈演员，我呢个晚辈就唔使担心啦！（黄子华唔拍你点睇？）其实我知道嘅时候都有啲失望，因为我嘅BB要行出去去远啲，但系我就祝福佢。”表示是次与不同演员合作擦出不少火花，希望届时大家入戏院支持电影。