汤怡对旧爱洪卓立分手感可惜　认私下有作出关心：问候吓都会

艺人汤怡（Kathy)今（5日）获邀出席《莎莎银袋日2023》，身穿黑色斜肩裤装的她，相当有型。而在接受访问时，其亦不避讳谈及旧爱洪卓立（ken)分手一事，还表明私底下有问候对方。

在接受访问时，提到旧爱Ken 与女朋友刘沛蘅（Hillary）拍拖一年半，近日共同发出声明已分手，对此问到会否觉得可惜时，她就表示：“我睇到新闻都觉得可惜嘅，始终一段关系结束，我相信都会唔开心。（私底下有作出关心？）都有嘅，问候吓都会嘅，再祝福佢啰。冇特别讲太多，只系简单问候一句。”

另外，提到老公麦秋成低调离开已合作多年的公司无线（TVB)，问到他作出这个决定时，大家有没有商量，她就表示：“当然有商量过，但系都交俾佢自己去决定。（支持佢呢个决定？）佢做咩都支持嘅，始终有新嘅环境，自己会再多啲唔同嘅范畴去做。”续问到老公有新发展，二人会有合作机会？她就直言：“希望都会，因为大家冇咁大规限，所以就睇吓大家夹多啲可能要拍啲嘢或者会谂多啲唔同嘅嘢发展。（最想一齐做咩？）讲挑战我会选择跳舞，系一个手脚唔协调嘅人，如果识跳舞嘅话，佢都系非常之成功嘅。（有冇试过跳俾先生睇？）梗系冇啦，唔够胆啊，因为始终系自己嘅弱项，所以我都唔系咁大胆去做，如果佢肯教我嘅时候我都会想尝试。”

最后问到Kathy平时多不多入马场玩，她就表示：“都会嘅，小赌怡情，我觉得几开心嘅。（赌马运气好？）我都系跟人买，或者有啲系冯买必输个啲我就买相反，或者唔买佢买𠮶啲，咁就多少少机会去中啰。 或者我会买自己嘅幸运号码，（几多号？）我都系5字，因为我屋企一家五口。”