何依婷与圈外男友感情稳定　双方已见家长：相处好舒服好有安全感

何依婷（Regina）今日（4/11）现身电视城出席无线综艺节目《思家大战》录影。提到早前与神秘男于内地睇展览时意外被网民捕获，恋情被迫曝光，Regina接受《香港01》访问时表示：“其实自己都想将感情事低调处理，但就冇刻意去隐瞒，因为本身我唔系一个钟意去高调去晒恩爱同埋分享我生活好多嘢嘅人嚟，咁所以我系冇刻意去避唔想畀人知，平时我哋都有一齐出街，但就冇俾人发现。”

Regina透露男友比她年长一岁，从事物流行业，为人踏实孝顺：“我好欣赏佢嘅性格，佢系一个EQ好高嘅人嚟，佢好少会发脾气同容易嬲，同埋佢好支持我去认识多啲嘅朋友。（双方见晒家长？）都见晒，因为我同佢都识咗好耐，又细细个出到嚟做嘢一段时间，见证大家成长，变咗同佢相处好舒服，好有安全感，佢个人系好真。之前我成日同人讲，我钟意男仔性格好，我讲咗好多年冇人信，但最后而家系真。”