香港人在北京｜陈展鹏大结局爆肚自嘲“剧情胶”　细数三个离奇位

TVB台庆剧《 香港人在北京 》今晚（3日）踏入大结局，结局众望所归港仁（陈展鹏饰）和Helen（吴若希饰）两公婆和好如初，石磊（吴业坤饰）参与歌唱比赛决赛时以手语向宝怡（戴祖仪饰）真诚表白，感动全场，而阿喱（洪永城饰）亦成功追回Funny（傅嘉莉饰）。不过，当中就暗藏三个离奇位，令结局不过不失！

吴若希陈展鹏床下底玩锡锡

港仁（陈展鹏饰）为了让老婆Helen（吴若希饰）平息愤怒，重现老土剧情“英雄救美”，预先跟朋友夹定搞大龙凤，安排临时演员企在酒店大堂位置，绑架自己及老婆，打算落车之后大打出手拯救妻子，展现雄风嘅一面。港仁竟然反而被朋友出卖，连同拍摄团队反偷拍呢一场“大龙凤”剧情。

而呢一场“大龙凤”演绎港仁嘅陈展鹏竟然喺剧中讲咗“写咗咁耐啲剧情仲咁胶”，完全讲中观众心声，而另外另一个场景中陈展鹏同饰演妻子嘅吴若希，两公婆竟然匿埋喺床下底见到蟑螂，用“锡锡”呢一招防止双方会大嗌，剧情超级老土！

吴业坤想喊竟一滴眼泪都冇

石磊（吴业坤饰）街上遇到曾向宝怡（戴祖仪饰）喺餐厅提出同佢求婚嘅男仔摊牌，而对方话俾佢听宝儿已经拒绝求婚追求，仲俾返宝怡嘅日记簿佢，呢一刻石磊化解咗之前嘅误会，竟然想喊！

不过呢一场戏细心一睇，吴业坤演绎石磊呢一个角色，可以话未符合角色要求，因为想喊竟然一滴眼泪都滴唔出嚟，难以同观众交代！

吴若希参加比赛唔理评判反对临时换歌

Helen（吴若希饰）参加唱歌比赛嘅时候原本打算唱现实中嘅手本名曲《越难越爱》，但竟然喺比赛途中自把自为换歌，完全唔理到评判嘅反对，仲叫埋饰演一角石磊嘅吴业坤上台弹结他伴奏，大唱出对方现实版饮歌《阳光点的歌》。

其实既然参加的歌唱比赛，应该要尊重比赛嘅规则，虽然话斋“故事剧情纯属虚构”，不过之后可能会有啲观众睇完呢一幕，第日歌唱比赛嘅时候会重复呢一个情节，正所谓“戏如人生，人生如戏！”