麦明诗疯狂撞样忽然似唐宁　十优万能Key：叨下佢哋光啫！

地球上有6、70亿人，人有相似真的是不足为奇，周不时会见到边个同边个撞样，谁人就是某某的翻版，简直眼花暸乱！但如果疯狂同人撞样，是否代表大众样呢？同靓女撞样呢？又是甚么感觉？相信麦明诗身同感受。事关她早前被指同麦美恩撞样撞到正一正之外，早两日她再来一个自抽，将自己与人妻唐宁照片拼贴在一起，说：“啱啱参选𠮶时，有啲人话我同唐宁似样㗎 #兰花劫 #我又要逆龄”骤眼一望，两人的眼神与笑容又真系有几分相似。

其实麦明诗撞样，又点止得麦美恩同唐宁呀？作为新一代万能key，总有几个排住队同Louisa撞样。好似2015年，她参选国际中华小姐时，身为3号佳丽，竟然来自南京的4号佳丽巫雪菲撞样，两人站在一起，十足十一对孖生姊妹，差在未相认！万能key仲未完㗎，话说麦明诗刚刚参选时，就被传媒话似杨采妮，亦有网民话似杨秀惠！大家听完会唔会觉得“妈呀，我好乱呀！”先？唔紧要嘅，十优港姐都系得一个啫，冇事嘅。

问到麦明诗点睇自己系新一代万能key呢？佢就话：“唐宁佢哋都系靓女，只要五官端正，影相嘅时候就扮下佢哋啲神情，咁就有7份似㗎啦。”讲就易，但最重要嘅系首先要有样，麦明诗似亲都系靓女，都证明佢有一定颜值喇，不过Louisa非常之谦虚话：“咁咪可以借啲意叨下佢哋光啫！”至于问到咁多个靓女，麦明诗觉得自己最似边个先？佢就好巧妙地答：“我钟意唐宁呀。”咁又系，做咗人妻都好似冇生过BB咁，系人都想变成佢！