黎明返大陆揾真银　事隔23年再拍电视剧　

黎明呢两年帮NESCAFÉ拍了两个广告，短短几分钟的广告剧场极有当年黎明拍和记电讯广告的影子，观众们大呼过瘾，事关他已经有接近12年无拍呢类型广告。不过相信观众想欣赏黎天王英姿的愿望唔使等好耐，因为他已经落实会拍大陆长篇剧集《莫语者》，事隔23年再拍电视剧，仲要系有成40集咁多！其实近来黎天王都已经成日北上做综艺节目，所以今次拍大陆剧都唔算太意外。

想当年黎天王在TVB拍剧的日子，以《天涯歌女》同《原振侠》最为津津乐道，不过1994年拍完最后一套《阿Sir早晨》便离开了TVB专注歌唱事业。事隔23年，黎天王终于再重返电视，虽然唔再喺香港视圈，不过套剧的总导演刘顺安都在TVB打滚多年，都叫做有啲香港元素喇！此剧集是一套关于中国海外安全题材的电视剧，说穿了就是一部宣扬中国强大的剧集，名副其实是“中国梦”的思想，香港人未必会好想睇。呢套讲“中国梦”的电视剧，只系上佢官方微博就已经感觉到强烈的中国味道，只系睇它简介呢套剧的短短几行字，已经两次提及“一带一路”，真系好hard sell。不过打住黎明呢个旗号应该唔多唔少都有一班粉丝追捧。套剧在5月29号已经开机拍摄，不过在大合照上未见黎天王踪影，都啱嘅，唔通未有戏份要黎天王等咩？其实套剧到而家都好神秘，除了黎天王之外，仲未好清楚有咩演员，盛传女主角会系90后演员胡冰卿，又系一个样靓后生的学院派新人，拍得住黎天王嘅一定又会爆红喇！