林恺铃无惧杨天宇睇到萤幕初吻演出　被问尺度问题：我唔想set

林恺铃今日（1日）身穿白色长裙现身中环香水品牌活动，她接受《香港01》访问表示：“我今日就系比较青春simple啲嘅造型，行咗比较自然清淡嘅风格。”讲到平时私底下的穿搭，她说：“私底下我好钟意白色裙，因为一件衫就可以笠上身，同埋钟意唔化妆会皮肤个状态好啲！”

讲到最近在新剧中跟柯炜林演出时献出萤幕初吻，因此被网民广泛报道大获好评，她笑说：“大获好评咁咪好啰！我都好开心，其实拍嘅时候成件事都好浪漫，个商场佢哋熄晒灯，一入到去已经好有感觉。”被问到有否NG场面出现，她说：“咁又冇嘅。𠮶一场戏难拿捏，但唔知点解非常之顺利。拍第一集嘅时候已经相处咗一段时间，所以有默契！”

提到屋企人有否留意到这一个场面，她笑说：“都有嘅！佢哋都好支持我。佢哋都有畀啲意见叫我放松啲，但佢哋都以我为荣！”至于绯闻男友杨天宇会否呷醋，她表示：“唔知㖞！我又冇叫佢去睇，等我而家叫佢睇先，嚟紧都要多多支持新剧！”被问到演出会否有更大尺度，她说：“你哋继续去睇就会知㗎啦！做演员其实最紧要都系个moment同埋个戏行先。”讲到日后接戏会否有界限，她说：“我唔想set尺度嘅界限，我都相信揾我做戏嘅人都唔会以呢一样嘢去拍，都系相信角色同埋剧本！”