港人在北京｜陈展鹏爆小猪比学嘢快 用普通话同姐姐斗嘴
撰文： 吴子生
出版：更新：
陈展鹏今日（31/10）现身荃湾出席无线剧集《香港人在北京》宣传造势活动。提到总监制钟澍佳爆料指剧组在内地等候隔离期间，隔离令突然提前十日取消，令他大失预算，要为所有演员安排活动，约齐玩密室逃脱。又指陈展鹏开工带埋一家大细，成家好似去旅行，又指小猪比起初连一句普通话都不懂，到走的时候，满口流利普通话。
陈展鹏接受《香港01》访问时表示：“小猪比佢本身系唔识讲普通话，我哋喺酒店隔离期间，我哋唔可以出外食嘢，变咗我哋需要叫外卖。有次有外卖送到，我听到小猪比佢讲嘅第一次普通话“你等一下”，令我觉得好意外。因为头两个月佢系唔讲，直头系有啲抗拒，话点解要讲。不过佢学嘢真系好快，系叻到可以同姐姐用普通话闹交斗气，见到佢我觉得好好笑。搞到而家小猪比好钟意同我出外做嘢，如果配合到，我都想带埋佢一齐去，可以畀佢见识多啲，令到佢可以快啲成长。”