香港人在北京｜陈星妤被封“魔音2.0” 揾坤哥学唱歌：急救吓先

陈星妤日前为剧集《香港人北京》出席宣传活动时，大开金口献唱《灰姑娘》歌曲赢尽关注。尤其唱到“尽情愚弄我吧～我自行回家，没有～”濒临走音边缘，加上唱到高潮位“来年将生命美丽升华”终于走音出事了。事后被网民封为“魔音2.0”

陈星妤今日（31/10）现身荃湾出席无线剧集《香港人在北京》宣传造势活动，就未见再有开金口唱歌。她接受《香港01》访问时表示：“其实今日有啲喉咙痛，但就唔系因为上次唱完搞成咁，而系上次唱完之后，把声更加性感咗，就系为咗之后唱其他歌，大家就有第二啲嘅感官嘅刺激啰。（好多人想听你唱《灰姑娘》？）哈哈！好，我会努力啲。（会唔会苦练唱功？）会呀，约咗坤哥（吴业坤）去佢嘅音乐中心学吓唱歌，即刻去急救吓。（𠮶日点解咁失策走音？）𠮶日真系好紧张，而且又系我第一次，我紧张就会走音。不过出到嚟都几得意，等我再练好啲先，希望迟啲会有机会畀大家听唔同嘅版本。”