冰上火花｜AK自我催眠似木村　Lokman、Ian爆笑对答

继《绳角》后，AK与Lokman再一次挑战以运动为题材嘅剧集，不过二人都认为今次《冰上火花》较为轻松，最大原因当然是收工后不用操肌健身。要知道拍摄运动镜头一定有多无少，对于运动员出身嘅Ian来说，早年嘅耐力训练再一次大派用场，甚至拍到导演都出声提议可以用替身⋯⋯

Ian以“特别疯癫”形容所饰演嘅林千帆，原因是太难捉摸； 而Lokman饰演嘅李世达因家境关系，是一个不知天高地厚嘅年轻人；至于AK嘅球王Number One则是众人的假想敌，要做到咁劲，他笑言只能靠镜头魔法，再当自己系木村拓哉就可以。一讲到木村，Lokman即爆料指AK特地揾木村嘅型仔照片，并吩咐别人帮忙影相，自我催眠程度十分认真。

或许是运动员出身关系，令Ian学冰球最快上手，不过他表示由于重心与排球有所不同，故一开始也不太习惯。“ 拍拍下发现多年训练功夫无白废， 因为耐力好够，有啲位拍到导演话要揾替身（笑）。” 三子曾在拍摄花絮表示full gear上阵后，去厕所成为挑战之一，不过Lokman话著鞋先系最大考验。“ 去厕所系程序多，但唔算烦，最困扰系鞋，因为要绑得好好，每次绑到一半已经好攰，所以就算休息几耐都唔会想去除鞋。”每次拍摄冰场戏份，都要留待冰场营业结束后才可进行，通宵拍摄后再去做其他工作，Ian最高纪录是直踩40小时。“真系返屋企冲个凉就出门口然后喺车瞓； 同埋你打嘅时候会出汗，而冰场又好冻，拍摄空档等嘅时候好易病 。”

《冰上火花》以运动为题材，AK希望大家睇完之后可以学会面对、拥抱痛苦，讲到现实中曾面对嘅痛苦，Lokman表示入行前，将自己喜欢嘅嘢变成工作，因工作压力令跳舞变得不再纯粹，当时的他感到十分辛苦。AK入行前因“试与唔试”加试年纪、成功因素、家人等问题，令他压力十分大。至于Ian的痛苦时刻，原来是成为MIRROR后。“入行前，信念都系天道酬勤，做运动员系可以通过自己努力去达成一啲嘢，入行后发现无力感重好多，好多嘢都唔系自己控制到 ，令自己信念有少少崩塌 ，要接受呢个转变要颇大勇气。 ”

Makeup: Rainbow Chung @Annie G. Chan Makeup Centre（Ian ）、Lorraine Lam@HairCulture（AK）、Giann Cheung @Annie G. Chan Makeup Centre（Lokman）

Hair: Him Ng @The Attic（Ian ）、Lorraine Lam@HairCulture（AK）、Seiko Sin@HairCulture（Lokman）

服装: Lane Crawford, Jimmy Choo（Ian ）、 Mr Porter, Both Paris（AK）、Zegna, Christian Louboutin（Lokman）

Stylist: PIPA Creative