丝打围佬︱郑中基亲揭8岁儿子惨遭同学欺负　因一事曾错怪儿子

51岁郑中基与他培育的新演员阿杰（周芷慧）昨日（27日）作客由虾头（杨诗敏）及连诗雅主持的网台节目《丝打围佬》，大谈儿子校园生活点滴，以及在学校遇到被同学欺负的事件，他指儿子的个性不太喜欢冲突，并表示：“𠮶啲同学攞咗啲颜色笔，画花咗佢个水濑笔袋！我问边个同学画花，佢话冇人承认。我问点解唔话俾老师听，佢话觉得洗一洗就算。”

观众热爱郑中基讲“WEE”的因由

主持人虾头在节目中向郑中基提问有关观众热爱郑中基讲“WEE”，他说：“系呀！我都唔记得咗“WEE”，通常都净系喂Hello，就喺匪夷所思学校𠮶度嚟，𠮶阵时就系有啲学生话阿Sir讲广东话唔正，发音歪歪地音，本身系想讲喂，点知就讲咗“WEE”。”他续指之前拍节目通常都不会留意网民的留言，并表示：“𠮶阵时怕笑到癫咗，仲cut咗好多次机，之后读紧𠮶几条，我系完全冇心机，我个脑仲喺度谂紧读紧𠮶啲嘢。”讲到这一个独特的打招呼方式，他笑指在过往当演唱会嘉宾的时候，也曾被要求说出“WEE”。他忆述：“去演唱会全场人都同你讲呢一个字，尤其是我成日去做嘉宾嘅时候，我次次又系唔记得，净系讲喂大家好，但佢哋就会讲出𠮶个英文字！”

亲述儿子Evan被欺负过程

郑中基与老婆余思敏结婚后，育有一仔一女。而八岁宝贝儿子Evan 是父母最牵挂的小孩。郑中基在节目中分享儿子在学校被欺负的事件，他说：“我个仔喺个学校读紧三年班，佢就喺学校食饭俾个二年班嘅同学虾。”被问到该名同学是以什么方式欺负的儿子，他笑说：“有一日呢！我就买咗啲炸鸡俾佢，炸鸡同埋白饭拎俾佢食。点知二年班嘅同学望到佢嘅炸鸡话唔畀佢食炸鸡，净系准食白饭。跟住我个仔问点解，佢话佢家姐系领袖生，如果你食炸鸡我就会告你。”他指起初还怪责儿子为什么挑食，但后来才得知这个原因。另外他又分享当时儿子有跟对方理论，他演绎儿子的对话：“我唔食会好肚饿，但𠮶个人就话唔得，就一路食白饭唔食鸡翼，又话其实食只鸡翼系唔关你事，就一直食白饭。”

儿子Evan心爱的水濑笔袋被画花

除了炸鸡事件，他的儿子也被同班同学欺负。他说：“我个仔好钟意水濑，所以我买咗个水濑笔袋俾佢，好似只公仔咁，拉开就可以摆颜色笔，佢就就咁摆咗喺度等小息再返嚟，跟住啲同学就开咗佢嘅颜色笔，成只嘢画花晒只水濑，因为𠮶只嘢本身系个肚系白色，跟住佢哋就拉返埋个拉链，又摆返喺个原位。”他指儿子反而态度没有太大反应，并向他说：“都洗到嘅！”他得知真相后感到很气愤，便开始教育儿子。他说：“我问边个同学画花，佢话冇人承认。我问点解唔话畀老师听，佢话觉得洗一洗就算。咁我就同我个女儿好大反应，觉得呢一个系好恶意嘅破坏。如果唔小心都算啦！但系呢一个真系好恶意，要话俾老师听。因为咁样会害咗佢，如果佢从细细个就觉得呢一啲系咁小嘅事，大个咗之后就会变本加厉，或者大个会变做贼，又或者变相做犯法嘅嘢，所以其实你系害咗人哋！”接着他的儿子遵从爸爸的教导，他说：“咁我听日返学校告晒佢哋！”