恋讲嘢｜20岁Hanna刻意影裸照激嬲前度　大尺度照片节目首曝光

由郭嘉骏（193）、谭凯伦、郑伊琪和郭奕芯主持的ViuTV节目《晚吹—恋讲嘢》，日前（24日）一集请来嘉宾，现年20岁的职业摄影师Hanna分享过去分手后，自己曾经做过的比较偏激的行为，当中包括影裸照同因剃头被伴侣狠飞。她坦言：“每次拍拖佢哋都会有控制欲，分咗手之后想做返自己，宣示主权。”

Hanna自认属于艺术品

193向她提问“你觉唔觉得自己系一个好反叛嘅人”，她则搞笑回答：“我会形容自己系艺术品，你可以欣赏我，但系唔可以拥有我。”她续指人类是独立个体，即使是家人也不能拥有她。

Hanna自爆曾经分手后做过激烈行为

讲到今次节目主题“分咗手之后做咗好激烈嘅事情”，她大方分享：“第一次系影裸照，第二单嘢就系剃平头！”至于分手后影裸照的最主要原因，她坦言：“我觉得佢有呃咗我嘅地方，佢一开始同我讲，我好欣赏你呢种骨感美嘅身材，因为我一直都唔钟意自己太暴露，后来佢自己承认拣到都是比较肉地，仲话我比较适合‘山本耀司风格’，就全黑，完全盖住晒全个身。”不过这一番言论却令她起了疑心“是否故意把我喂肥”，她表示：“𠮶阵时最重系66公斤，以我嘅身高系173cm！”

Hanna不满前度形容脂肪低等于性欲低

提到这是否所谓的幸福肥，她坚决否认：“因为我本身好难肥，我要比正常人肥多几倍先可以肥到，佢订咗餐厅话好难先订，啲菜式好好食，陪我一齐，我反而觉得呢一样嘢系爱嘅表现，所以唔识拒绝！”她继续忆述当时分手的情景，并表示：“佢send咗篇新闻俾我，讲话系啲医疗专家讲原来体脂低嘅人性欲都会低啲，又话你系咪体脂低所以性欲低！”她直指当时的伴侣太过专权，所以决定与他分手。她说：“我冲凉𠮶阵时唔够胆开灯，因为我唔想见到我嘅身体！”

Hanna自揭同前度分手影裸照原因

此外提到分手后第一时间选择影裸照的主要原因，她直言：“佢好讨厌我瘦嘅新嘅身形，我偏偏就系最瘦嘅身形拍低，分咗手之后就跌番去50公斤（大概两个月减咗十几）我冇特登减，本身嘅生活模式就系唔食嘢。”她指前度以前都会要求她着超级多衣服遮住自己的身体，故此她笑称：“我偏偏完全唔着衫去影咗呢辑相，我系瘦呀！仲要偏偏唔着衫，我有上载喺私人社交帐户，系第一次裸照。”贴文一出，前度男友马上留言：“你好，Hana，你最近好吗？”之后我的朋友帮忙我留意前男友反击，并表示：“佢同你分咗手之后好好，体脂低，但有性欲！”

Hanna分享剃头经历

除了这一个前男朋友，她还大方分享另一段感情。她忆述当时决定要去剃头的经历，而当时跟男朋友的对话是：“我睇到一张相觉得个女主角几好睇，决定要去剃头，佢话去边度剃啊！觉得正正常常咪几好啰！”因为这一个原因男朋友就选择与她分手。她坦言后来对方有要求复合，不过仍然坚拒再一起！