炎明熹否认是姜涛粉丝　坦承演唱会唱姜涛歌经公司审批：我冇偶像

炎明熹（GiGi）早前开骚受台风小犬来袭，令处女个唱第2场被迫延期。不过Gigi于首场演唱会唱出姜涛的歌《Dear My Friend,》感触落泪，事后获姜涛在社交平台留言打气：“很棒加油。”

今日（23/10）Gigi现身香港电台出席港台节目《香江暖流》“至爱陈百强30年纪念特辑”录影，就事件接受《香港01》访问时表示：“其实我都估唔到佢佢会留言帮我打气，咁所以我觉得好荣幸，而𠮶一日我系开心到瞓唔着。而我私下都有私讯多谢佢，而佢都有回复我，话呢首歌畀到力量我，佢都好开心。（你算唔算系佢一位小粉丝呢？）暂时我嘅人生系冇偶像住，但系每一位都好钟意，因为都系我学习嘅对象。（你唱姜涛嘅歌，需唔需要经过公司审批？）我谂要嘅。但系都应该Ok嘅，因为最终都唱咗出嚟，咁所以自己都好开心。亦都希望日后能同唔同嘅歌手朋友一齐合唱。（你想，但唔代表公司想！）我相信交朋友系一件好事，咁所以冇话唔好，又冇话好，但我就觉得都系好。”