无制限探险队专访｜程人富非洲食蚊Marco食屎狂呕　咖喱7日冇凉冲

由刘诺衡（Mike导）团队“无制限OT编集団”拍摄的ViuTV节目《花姐ERROR游》、《美女郊游游》、《ERROR自肥企画》等都是口碑保证，幕后团队够搏命热血，成功吸引一堆忠实观众。未知是否因为这个缘故，Mike导两年前Sell不成的非洲旅游节目桥，早阵子竟然一下就Sell到，于是他的团队就与小薯茄的程人富、P1X3L的Marco（叶振弘），以及曾参加《全民造星IV》的靓女医生咖喱（黄雅慧）出发去到南非、肯亚、埃塞俄比亚、乌干达以及坦桑尼亚展开亡命之旅，拍摄《无制限探险队》。
Mike导出名钟意挑战极限，连ERROR、花姐等都曾被他糟踬过，今次三位主持自然无可幸免，程人富要食蚊、旅程中呕完又呕的Marco被爆要食屎、咖喱7日冇冲凉等等，问几位有冇后悔上了贼船，Marco即抢答：“无时无刻！”

启程前先打9针　食足68日药

非洲有别于一般旅游胜地、不是买张机票就能去度假，原来出发前直至回程后都有大把嘢要准备，首先就是防疫针，三位主持启程前已先打了8、9支针，程人富说：“我未试过一日入面要打四支针，第二日再打五支。”而整趟旅程中每日都要食药，拍摄40几50日，一日都不能断药，否则随时烂肉，Marco说：“ 40日再加28日，系68日，连续每日，因为系疟疾药，要日日都食，返到嚟香港都要食28日，如果断咗其中一日就要再重新食过28日。”

咖喱做军医　程人富极唔放心：佢讲嘢冇Sense

非洲不少地方都落后又污糟，两位男士可能顶得顺，但靓女咖喱何以会接拍这个节目呢，原来起初Mike导就睇中她做过急症室医生的背景，氹她来做军医。咖喱透露：“我心谂，即系佢哋有事就帮佢哋啦，冇事就行行企企、去吓旅行，都几好㖞，同埋听讲通常都系糟踬咗啲主持先嘅，我望一望两个主持应该都可以帮我挡咗好多，咁咪去啰，当去旅行。”不过程人富和Marco似乎对这位随团医生很有意见，更爆料：“其实系惊㗎一开始，你如果认识咖喱个为人，就会谂‘得唔得㗎？可唔可靠㗎？讲啲嘢咁冇Sense！’佢直程医人都会话求其啦，好惊㗎！”不过后来有次咖喱做了一件事，让全场人对她肃然起敬，终于肯信她是专业医生，至于是什么事，程人富叫大家睇节目。

污水冲凉未算最坏　Marco惨到要食屎

不过有医生都冇用，斋睇预告片已见到Marco不停“瀑布式呕吐”，旅程中的核突嘢全部如节目名般“无制限”，日日拍到风尘扑扑、满身大汗，都未必有得冲凉，程人富说冲凉水是黑色的，不过灯光昏暗大家未必知，连Marco都表示：“我冲完凉先知，仲要用𠮶啲水刷牙。”而此时咖喱却说：“其实我真系唔知……”遭程人富取笑：“嗱，你明佢有几可靠啦？”问到日常三餐，原来伙食尚算不错，间中有Pizza、牛扒，但去到乌干达其中一间极多蚊的旅馆时，呼吸、擘大口都有蚊，他更被迫食蚊。不过应该冇人惨得过Marco，他要食的是……屎！

Marco本来说：“冇，冇真系食嘅。”谁知程人富和咖喱同步说：“我觉得有㖞！”Marco即补充：“又冇真系食落去嘅，但系有掂到个嘴，我唔知会唔会剪出街，总之呢趟旅程嘅后半，同屎系分唔开嘅。”问到是吃谁的屎，程人富说总之不是人屎，但各种动物的屎都有，咖喱谓：“只能够讲，系新鲜嘅、热嘅。”而成为品屎专家的Marco更分享：“肉食动物嘅屎会再臭啲，草食动物系干净啲，冇咁臭！”而讲开屎，几位则透露在旅程中原来连屙屎都战战兢兢，如厕过程全程零私隐被直击，所以他们不断希望自己的肠胃争气点，“只要你屙屎俾人发现，你就会上电视！”、“你可以屙，但系你唔可以系第一个屙，边个第一个屙就要上镜！”

咖喱自荐行7日山冇凉冲

程人富、Marco大约在非洲逗留了40几日，而咖喱不知哪儿来的自信，自荐、自费跟Mike导等人挑战去坦桑尼亚行山，行足7日，“人生未试过7日冇得冲凉，指甲捆晒黑边。”其实整团人起初都不建议咖喱行这座山，始终她在众人心目中体能都比较弱，但她竟然因为觉得幕后阿Ray都行，自己都得，程人富不禁再问：“点解会有呢个错觉？”而最终咖喱行了两、三个钟就开始后悔，坦言自己攞苦嚟辛好折磨。至于问到另外两位主持有冇后悔参与非洲之旅，Marco抢答：“无时无刻呀！人生去一次，够晒！”

Mike导真男人　危险项目全揽上身

话虽如此，程人富下次仍会接拍Mike导的节目，虽然今次确实辛苦，不过被节目组定义为“懦夫”的两位男士，也不断帮Mike导讲说话，他除了强迫二人玩Skydive和笨猪跳外，基本上所有最危险的任务都揽晒上身，完全不怕死，程人富笑言：“佢话你想做就做啦，唔想做就我顶啦，我话咁梗系你做啦！”再次显出懦夫一面，更被爆一有危险就立即褪后，甚至躲到咖喱身后，难怪咖喱笑他们是最安全的主持，而Marco则辩护说：“留得青山在啫！”节目中最惊险一幕，必数Mike导测试避弹衣出意外，以肉身挡子弹，有此“黄金画面”，死亡行星马上变得不值一提、小儿科，不过从预告片中，就见到团队成功将“死亡行星”发扬光大，就连非洲导游都中伏，成个弹起！

请按下图睇更多程人富、咖喱和Marco的专访靓相：