谷娅溦忆述患抑郁症想自杀念头　认睇过精神科：有谂过被车撞死

33岁谷娅溦昨日（19日）现身旺角出席“SING声星歌唱大赛新闻发布会”活动，她接受《香港01》访问预告即将会在下月举行演唱会：“嚟紧真系会开个人演唱会，咁大件事都系现在先讲，演唱会呢件事已经系上半年开始plan，12月24日会在旺角麦花臣开，都plan紧出碟。”至于新专辑是否打算开演唱会的时候顺势推出，她说：“系有呢一个谂法，再睇吓公司点样安排！”

讲到演唱会是否只考虑开一场，她表示：“暂时开一场，如果卖飞卖得好都可以加场，希望大家都可以多多支持我！”被问到嘉宾名单，她说：“之前有谂过请内地比较红嘅明星做嘉宾，但是一直以来到现在为止都未有确实嘅人选，其实香港歌手都有心水名单，我唔只系请一个嘉宾。”

至于今年曾推出过单曲，是否对于年底颁奖典礼争奖有信心，她坦言：“我嚟咗香港到七年到八年，到现在为止是否一定要拿取奖项，过咗乜嘢都想赢嘅心态，现在反而想做多啲音乐真系可以鼓励人，可以透过自己嘅音乐给正能量乐迷，或者有梦想唔知点算嘅人，现在想嘅嘢已经唔同，可能年纪大咗！”至于过往是否曾为失落奖项而伤心，她直言：“以前都恨嘅，总之可以攞四台冠军，或者所有嘢都会觉得好开心。但年纪大咗所谂嘅嘢都唔同晒，系成熟咗嘅！”

较早前有报道指曾患上抑郁症，她坦言：“抑郁症情况系有啲惨嘅，我现在谂返都唔系太想，因为每一个人都会经过低谷，低谷之后点样翻生，所以其实我都可以同大家分享下，因为我𠮶阵时真系沉到好底。我系抑郁到睇精神科医生，我唔系睇心理医生，系睇精神科医生，精神上面有少少问题。同时间都有睇心理医生，咁医生都有帮助我嘅，但最后帮助到我嘅只有自己，可以咁样讲，自己可以做到重新翻生呢件事，只有自己先可以帮到自己。如果呢一刻再经历啲唔好嘅事，一定要自己振作起来，呢一个系真心嘅说话，我试过自杀，行出街有谂过被车撞死，我有做过呢啲傻嘅行为。”

提到当时有否考虑依靠信仰或者药物去克服，她表示：“你话我食好多药又唔系啰！我唔系一个太钟意食药嘅人，𠮶阵时抽离左一排，就离开咗香港一阵去咗读书，都读咗一个课程返嚟。”提到当时离开香港去读书，是否已经晋身乐坛做歌手，她说：“系呀！𠮶阵已经做咗歌手。”被问到导致忧郁症是因为爱情还是事业影响，她表示：“当然系事业嘅问题，其实离乡别井嚟到呢个城市，都希望自己有好嘅发展，但事与愿违，好多嘢唔系你想点样就点样嘅，𠮶阵时加上自己好年轻，好多嘢唔识谂，所以就谂咗一边！”她续指其实这些都是宝贵的经验，才会有成长的自己。