谷娅溦获富爸爸送百万新款波子 唔理速度感：我系睇外型
撰文： 张祖铭
出版：更新：
33岁谷娅溦昨日（19日）现身旺角出席“SING声星歌唱大赛新闻发布会”活动，并在现场分享是次活动望能提携乐坛新血，而且透露今年开了一间新音乐学校。谷娅溦接受《香港01》访问表示：“都开咗半年时间啦！生意都算OK，唔算差，都唔算好好，所以就继续努力！”
至于现时招生的情况，她说：“目前来讲都算唔错，新开来讲都算唔错啦！”讲到目前赚到多少钱，她笑言：“计唔到㖞！因为我哋唔系话赚钱为主，都系初初开始，其实一开始开呢间学校嘅时候我哋冇计过钱！我哋主要嘅目的系想俾多啲钟意音乐嘅人可以去学习，同埋追求自己嘅梦想！”被问到目前是否已经回本，她说：“冇咁快！”她续指新学校不单止教唱歌，还可以预订录音室去练歌！
最近有指富爸爸买百万名车来鼓励继续发展歌唱事业，她兴奋表示：“系波子。我揸车揸得好早，有车牌𠮶阵就开始揸车，18岁都已经开始揸车。”被问到该波子价值，她坦言是100万以上，并表示：“系最新款，系全新2023年嘅车，已经等咗一年，其实系2022年订，𠮶阵时一直喺度等，因为冇咁容易攞到车，等咗一年先有呢架车！2023年头先攞到车。”讲到新车是否只是驾驶半年时间，她坦言：“系呀！系快嘅，但我主要系睇个颜色靓唔靓，望吓个外型。”至于是否追求车速速度感，她说：“咁又唔系，我系睇外型，总之系靓就系最重要！”