金马奖最佳美术设计马光荣任美术总监　赞TVB效率奇高︰匪夷所思

由陈茵媺、陈豪、周嘉洛及游嘉欣等人主演的无线剧集《罗密欧与祝英台》，为增加剧集电影感，《罗祝》剧组特意邀请了先后凭电影《胭脂扣》及《影》获得金马奖最佳美术设计殊荣的马光荣（Horace）担任美术总监，为剧集设计一系列别具特色的主场景。

今日剧组率先发布《罗祝》三大必睇场景，分别是祝家、罗家以及祝家温室。为了凸显祝家及罗家截然不同的中、西式元素，Horace分别采用了“木”及“铁”作为两大场景的基本美术概念，Horace说：“我哋预设个故事喺香港发生，只系时空唔确定。祝家，我摆咗佢喺港岛，全部以木同富有殖民地色彩建筑嘅方式去构建，一来想表达历史悠久嘅感觉，二来系想要中西结合嘅效果。祝家我主要以特首府邸为蓝本，再用木去打造偏东方风格嘅简约感，仲会有圆形、孤形同半月形等等多样嘅线条予以配合，而门窗就偏向西式殖民地色彩嘅设计。”至于罗家，Horace则将其置于九龙，并以“英国工业时代”为主要设计概念：“会有好多金属同铁器元素，例如货柜码头上面会有钻油台。”

而以九龙城寨为设计蓝本的约瑟之家，是Horace最钟情、亦是最困难的作品之一：“𠮶个景好密集，靠近顶部有个水管大厦，𠮶度系少年梁山伯同祝英台首次邂逅嘅地方。因为成个时段会横跨十几年，佢哋会再喺𠮶度重遇，系一个好重要嘅地标。𠮶度嘅特色系有好多水管，有种旧荃湾工业区嘅感觉，梁山伯亦利用咗𠮶度嘅水管以波子产生声音嚟度向祝英台表白，我觉得几有趣。”至于望落和谐又明亮的祝家温室，背后竟是以垃圾胶袋建成，著实让人意想不到，Horace笑言：“个景本来唔系咁，原本系想做一个好似香港公园咁嘅温室，但因为当时个budget连买植物都未必够，我哋就改为用垃圾胶袋嘅胶布将天花板全部蒙黑，后面做个半月形嘅大窗，配以四幅灰色TVB道具墙身以及一啲山水家具等，再打啲强光落去，就会产生一个充满东方色彩嘅结构；半月形嘅窗加埋黑色胶布嘅反光部分、望落去系一个full moon。”

除了道具，每个角色的所有造型亦是经Horace用心打造，Horace受访时笑指观众除了追剧时要留意祝英台（陈茵媺饰）身上的所有细节位外，又指陈豪的西部造型设计其实有特别意义：“陈豪嘅衬衫背心造型再配对boot，个感觉会比较吊儿郎当啲，我比较钟意将角色同本身嘅名称调转嚟做（梁山伯予人感觉较中式）。同埋因为剧入面多枪战，所以我觉得西部嘅设计可以带出漫画感，令到件事唔会太真实之余，亦令陈豪呢个角色粗犷得嚟有啲特质。”Horace最后更惊叹TVB幕后同事效率奇高：“外面搭个景可能要十日，但TVB真系好叻，佢哋一个好复杂嘅主景，两、三日内已经做到，我睇到系匪夷所思。佢哋有好完整嘅工作制度、完善嘅基本物料同资源，好多嘢外面绝对做唔到，同埋费用会高好多。”