何超凤赞何超仪是好太太　默默照顾病重老公陈子聪：佢大个咗好多

早前何超仪接受Do姐郑裕玲网上节目The Do Show访问，首度详细披露陈子聪病情，过程相当吓人，指昏迷逾月险要截肢 ，还要开造口排大小二便。Josie自言照顾老公感压力，曾试过哭过，但遭家姐提醒要保持冷静，同时要注意衣着，免得被医院拒绝探望。

今晚（13/10）何超凤现身尖沙咀出席慈善筹款活动，就事件接受《香港01》访问时表示：“超仪的确系一位好好嘅太太，亦都系一位好勇敢嘅太太，咁所以变咗佢有咩嘅需要，我哋都会尽我哋全力去帮助佢，发觉佢真系大个咗好多。（超仪在照顾子聪期间，有冇向你透露自己承受好大压力？）佢系有，咁所以佢其实做咁Do姐𠮶个访问，我都戥佢开心，因为始终佢一个人自己咁样承受，系一样好困难嘅一件事。咁所以我觉得佢咁讲咗，而大家都咁支持佢呢，对佢嚟讲系一个好大嘅动力，令佢继续照顾子聪。”