宣萱工人姐姐放大假 自己清洁鱼缸整死成缸鱼：冇做好隔离

宣萱（Jessica) 今日（13/10）现身观塘出席著名品牌活动。Jessica透露早前化身成工人姐姐在家里打理家头细务，意外将成缸鱼弄死，大感心痛：“前一排我工人姐姐佢放假返咗菲律宾3个星期，变咗我就全职照顾我啲猫狗同埋鱼，我就成功咗谋杀成缸鱼，为数都有十几条。点解会发生今次嘅事件，系因为我买咗一啲新嘅鱼返嚟，而呢啲鱼本身可能有病，而我又冇做好隔离嘅措施，就系咁令我深深咁上咗宝贵嘅一课。同埋呢3个星期做姐姐嘅体验，真系感受到好多，唔好话做洗衫煮饭拖地，就咁照顾啲猫狗我都已经觉得好攰，咁所以做姐姐真系唔易做，姐姐系值得我哋致敬。”