传林家栋回巢无线接替曾志伟　陈百祥拒回应：无谓问啦

陈百祥（叻哥）今日（12/10）现身红磡出席“香港明星队x榕江村超联队”足球邀请赛2023新闻发布会。提到上次到贵州作客，挑战村超险胜一球赢4:3，而村超将在11月11日来港作客，被问到香港明星足球队会否为对方“放水”赢波，叻哥在接受访问时表示：“放水？我哋队波系唔输得㖞，其实比赛系第一，但我就觉得友谊都要嘅，𠮶问题系上次我哋赢咗，人哋就会复仇，佢哋仲话今次会强阵落场，我哋就当然强阵对抗啦。（谂住入几多粒？）我就冇谂话入几多粒嘅，呢啲留返畀谭咏麟啦。”

被问到曾志伟是否可以归队时，叻哥笑言：“我唔知佢健康上仲有冇问题，因为佢之前做过手术，搭咗个架，唔知得唔得，如果踢波中咗𠮶个架呢，我就负责唔起，咁所以呢啲由佢自己啦。（迟啲志伟大把时间同你哋踢波，有传林家栋顶替佢？）呢啲我哋唔答，我哋冇睇报纸。（你唔敢问佢？）咩唔敢问啫，而系无谓问啦。”