莫家淦入行19年终于做男一　北上拍短视频剧：当初听到都受宠若惊

莫家淦（Keith）加入《爱．回家之开心速递》剧组逾4年，因“王朝”一角为人熟悉，去年初他为到内地发展，与无线转为“一年一SHOW”合作模式。

入行 19年，莫家淦近日终于有机会担正，成为短视频剧《重启2003》男一，他接受《香港01》访问时透露，日前刚完成100集短剧，由于时间有限，所以要喺5日内完成。“剧组大部分都系香港人，去casting 时佢哋觉得我个样够正气、好贴近角色，不过听到做男一时，都有少少受宠若惊。 ”

由于短视频剧每集只得几分钟，节奏比一般剧集快，所以开拍前要做足功课。“啲反应表情要比较夸张，不过呢个都唔难适应。同埋今次因为预算有限，所以5日要拍晒100集，我加埋都唔知有无瞓到6个钟，以前成日听啲主角唔够瞓，而家终于感受到，我拍完之后返香港抖咗两日。（报酬OK？）合理嘅，始终我而家比较重视机会，今次做男主角嘛，由头带到尾，真系一个可遇不可求嘅机会。 ”

莫家淦近年不时跟随明星足球队踢村超，问到对开拓国内市场可有帮助，他说：“ 喺校长带领之下，明星足球队关注度高咗，又会俾机会我哋喺中场演出，的确系吸纳咗唔少粉丝，对之后嘅发展系非常有帮助，所以而家一有时间就去跑步练气。”