郑少秋大女郑安仪自杀身亡 汪明荃：佢识得处理，加上佢系大侠嚟

汪明荃昨日（3日）现身葵涌为海马牌拍摄广告。提到郑少秋（秋官）在未婚前与圈外女友卢慧茹拍拖3年，二人于1968年诞下女儿郑安仪，日前郑安仪在美国自杀身亡，终年55岁。阿姐受访时表示：“其实我唔识佢，但我系知佢有一个大女。（有冇打电话慰问秋官？）我谂我哋畀啲时间佢，（识唔识卢慧菇？）我唔识佢，亦冇见过面。（知唔知秋官有过呢段情？）我唔知呀，我又唔识又点知啫。（唔识都可以知！）净系知道佢有个女咁啰。（最近同秋官有冇联络？）同佢不嬲都冇联络。（同欣宜有冇联络？）其实同佢都少联络。（之前传佢有病？）我见佢系瘦咗好多，仲以为佢减肥。不过我有啲朋友都同佢熟，知佢冇乜嘢。（两个女先后出事，担唔担心秋官顶唔得住？）我谂佢唔会，佢咁大个人，佢识得处理，加上佢系大侠嚟。”