吕良伟有意再演上海滩丁力　唔惊无限翻叮睇到厌：唔会用旧方式演

由陈凯歌导演执导、哥哥张国荣、巩俐、张丰毅等主演的电影《霸王别姬》今年迎来三十周年，今（30日）举行4K数码修复版首映，吸引不少影迷捧场支持。而圈中亦有不少艺人出席支持，其中有吕良伟夫妇，吕良伟在接受访问时对该电影赞不绝口，更扬言是一本经典教科书。

在接受访问的时候，吕良伟对电影《霸王别姬》赞不绝口，更扬言自己空闲时会翻看多次，他表示：“因为我觉得陈凯歌导演拍呢部戏实在太经典，我当正教科书攞返出嚟欣赏。今日听到话有修复版第一时间嚟到现场睇，哥哥嘅演技巩俐嘅演技，呢部戏故仔恰如其分、恰到好处，好正。”

而讲到其主演的网大《上海滩之风云正道》上映，对於戏名与戏中造型被不少网民指他又演，他就否认：“唔系做丁力，系个题材系上海滩背景同丁力完全无关。（相隔多年再拍上海滩题材有咩感受？）个年代系一样，剧情唔一样，所以感受会唔一样。我自己都喺度谂紧拍一部咁嘅上海滩大时代背景戏，到时都会喺各大平台播。（叫丁力传？）唔知呀，好多人都想我继续将上海滩丁力呢个人物继续发展，我哋一路考虑紧将呢个故仔更适合依家个审美眼光同观众嘅欣赏题材。（无限翻叮丁力惊唔惊观众厌烦？）唔会，丁力到而家系最受观众欢迎其中一个角色，如果我哋再做丁力都唔会用旧嘅方式去演。”

另外，提到他将与刘德华、谢霆锋合作拍摄新电影《怒火蔓延》，现阶段进度如何时，他就表示：“10月初到会开工。（内地拍摄？）香港拍。（有冇为电影做准备？）做留须准备，动作戏平时都已经操开，变咗对我嚟讲唔系太大问题。”并大赞刘德华是好演员外亦是好监制。

最后提到日前在接受访问时讲到儿子吕善扬有表演欲，问到儿子会不会想入行呢？他就表示：“佢系有表演欲，但佢对演戏呢样嘢要征求佢先得，因为佢好有个性有好多自己想法。（而家做IT？）实习紧，喺我朋友公司，对佢嚟讲系学习机会嘅一个地方。”