程美段因“车厘龟”爆红　淡出幕前仍被问价：冇五位数我都唔接

程美段（Kiwi）由模特儿出道到参加TVB节目《美女厨房》成为“美女学徒”时一直都是话题女王，再到发生“出粮风波”后更成为焦点人物。大约于三年前程美段开始淡出幕前，并转行做保险，当时更有指她做保险做到风生水起，年薪过百万。不过近年程美段已绝少更新Instagram等社交平台，原来她又已转了新工作。

程美段在接受《香港01》访问时，坦言自己经转行做美容行业，她说：“想摆低保险学其他嘢，以前一路都有学其他嘢，只不过冇话畀大家听咁解，我想除咗销售之外都有技能。”她也表示，现在做医美有关的工作，在美容院“打份工”，她说：“系做针疗、抗衰老𠮶啲，之前学咗课程，有英国美容LV4证书。”

当被问道有没有顾客认得她是程美段时，她笑言：“唔会，因为我系素颜，紥起晒头发，又换晒衫，而且上嚟嘅全部都系太太，除咗一啲好贪靓嘅男人，全部都系女人嚟。”而讲到做保险和做美容的分别，她直言现时生活充实而且忙碌得多：“梗系冇以前揾得多啦！（差多少？）最少一倍！不过两样冇得咁比，因为系唔同嘢（行业），以前佣金有10-30%，而家都系8%左右。以前（保险）弹性得多，除非个客claim钱都做啲行政嘢，除非要应酬啦，其实应酬都系自愿嘅，如果唔系都有自己时间。相反而家时间就完全唔够用，返学同工作，连休息时间都冇。”

近年程美段已很少更新她的IG页面，提及此事时，她就说：“我本身好少玩电话，工作以外都好少用电话。你问我用IG宣传而家份工会多啲客，都系嘅，但系我暂时未想用呢样嘢，而且公司都系自己客。”

至于被问到会不会重返幕前时，程美段似乎就兴趣不大：“保险有个牌几时都可以做，幕前就睇情况而家，况且而家咁多女仔，后浪推前浪都唔缺我一个啦。”她还表示，早前有个美容院开幕剪彩活动也被她推却了，她说：“有人问过Job，但系兴趣唔大。佢哋经以前经理人揾我，去美容院开幕剪彩嘅，一小时左右，但系有media我就更加唔想去。佢哋有问过价！又要我着返车厘龟件衫去就真系唔想，好似做小丑咁！讲真而家出活动呢啲冇五位数我都唔接。”

而提及感情生活时，她就回答：“而家事业为主，生活够充实就唔会谂呢啲，同埋我有足够休息时间就好多谢啦。”