Anson Lo、少时孝渊同场狂派心　回应MIRROR成员曾想退团传闻

Anson Lo (卢瀚霆）与少女年代成员孝渊今午（27日）现身尖沙咀出席时装品牌活动，吸引大批粉丝到场支持。热爱K-pop 嘅Anson Lo接受访问时表示，无论少时或孝渊嘅个人作品都十分熟悉，在后台见到对方时有冲动想唱歌给对方听，Anson Lo 更踢爆Jeremy 比自己更为兴奋：“佢好想嚟，因为佢系少时fans，我谂一阵check WhatsApp佢会炸咗我电话。”

即将出发到澳大利亚拍摄团综，Anson Lo表示由于仍未知节目性质，所以暂未有紧张感。“可能有一半人飞到，有一半飞唔到，不过最好唔好咁，因为都几想去澳大利亚，自己都未去过。（记︰会买咩手信？）每次买嘢食手信大家都好嫌弃，就算几好食大家都唔太钟意咁，所以今次可能买匙扣、磁石贴呢啲。”

Anson Lo今早出席活动前，在社交平台分享健身照片，问到是否准备在澳大利亚骚肌，他解释说：“希望可持续发展自己嘅体格，唔好太瘦，著衫靓啲嘛。”他又笑言在澳大利亚玩水上游戏总不能穿卫衣，如果要穿泳装亦会服从。“其实糕鲨鱼衣都可以好性感，佢会显示到线条。”

问到MIRROR 5周年活动，Anson Lo即时用眼神向花姐求助，而花姐就话︰“就嚟公布啦！”问到是否将现身迪士尼，他表示︰“人哋都未公布，唔可以下下都用我把口公布，会被投诉。”

另外，提到Alton（王智德）后援会admin解散一事，Anson Lo表示知悉有此事但未有过问太多。“以我理解，我哋12个嘅FC都系自发性群组，佢哋每个都有自己作风。”Anson Lo表示对自己的FC亦不会给予太多意见，但每次有计划要实行，后援会都会向他汇报。而讲到讨论区有网友出帖表示MIRROR有成员想退出，Anson Lo表示昨日收到Jeremy传送嘅相关截图。“𠮶个人讲得好detail ，但detail 得嚟绝大部分无发生过，我哋都好认真去谂到底有无做过呢样嘢，我谂系假嘅。”