JPEX｜洪永城3年前投资虚拟货币而家无眼睇︰当时好多人涌住开户

黄翠如和洪永城（Tony）今日（22/9）齐齐现身金钟出席理财产品活动。对于有多名艺人及KOL卷入虚拟资产交易平台JPEX风波，警方先后拘捕网红林作及陈怡等人，涉款超过12亿港元。而JPEX前代言人张智霖及介绍人庄思敏亦到湾仔警总协助调查。

讲到投资理财方面，黄翠如受访时表示自己是一名保守型投资者：“其实我最大嘅投资一定系我老公，因为我坚持要佢每个月都畀家用我，仲要系现金嘅，然之后我就会喺呢叠现金入面再抽起2千蚊，当零用钱畀佢用。不过佢畀我嘅家用我系唔会攞嚟用，而系帮佢储起佢。”

Tony就表示自己系进取型，透露曾投资虚拟货币：“其实喺早两三年前，已经好多人都好容易咁接触到虚拟货币，而我都有买过，当时好多人都涌住去开户，市面气氛炽热，我都系抱住玩吓嘅心态去投资。（有冇赚到钱？）之后冇睇呀，都系试吓玩吓咁，冇乜特别留意，都唔记得边个户口，连密码我都唔知系乜。（成个交易平台户口冇咗？）咁又唔系，都仲系度嘅，系可以揾得返，不过我冇理。（身边有冇朋友买咗虚拟货币赚大钱？）通常佢哋揾到都唔会讲。”