传“阿仪”薛影仪遭雪藏　黄榕即成坏朋友︰我唔会食呢只死猫

“亚视一姐”阿仪疑似因为跟好友黄榕私自出席活动而得罪公司被雪藏，黄榕今晚（19日）出席《孤注一掷》首映时，她透露阿仪正积极学琴，另外又想补读跳舞课堂。“佢应该系暂时无工作，希望唔好雪佢，可能公司觉得佢有少少挂住玩而唔做嘢，佢都担心收入有影响，始终又唔系有钱人。”

对于被指带坏阿仪，黄榕表示拒绝食死猫。“报道话我教佢迟到5小时，我自己本身唔钟意迟到，所以唔会教人迟。同埋话安排佢去商业活动做义工，头一次系，但唔系商业活动，都系派嘢俾老人家，可能公司见有记者就觉得系商业活动，之后啲活动都系主办揾佢哋。同埋有次话佢为咗玩唔做嘢，𠮶次我系唔知佢有嘢做。”黄榕又话曾告诉阿仪事无大小都应同公司讲，而她其后与阿仪北上都有告知经理人林宝玉，她一再强调只揾过阿仪做义工一次。