林嘉华身型Fit爆返港　预告将有新作推出：字典里从来冇退休两字

林嘉华近几年都长居加拿大，只不时透过社交平台发放消息，不少观众都以为他已退休，但前晚（18/9）他偕太太现身香港，出席《2023 EYT好友会联欢晚宴》时，就澄清自己的字典从没退休二字！他指自己戏瘾大，早前才在伦敦拍摄完一套英国电影，并表示：“我嘅办公室系全球性。”

林嘉华接受《香港01》访问，称因疫情和照顾父母而恰好三年零八个月冇返过香港，与一班EYT好友聚旧很开心。他指留在加拿大的这段时间，推却了很多找他合作的监制和电影公司，要说声不好意思，并澄清不是退休：“我字典里面从来冇退休呢两个字，Artist、演员，我相信同其他工作有好大唔同，就系未必有退休呢两个字，唔同嘅年纪、时候都系可以饰演唔同嘅角色，我哋呢行愈多工作上或者累积落嚟嘅经验就愈好，以我自己为例，我系好大瘾！我系好钟意！”

他在加拿大主要做直播电台工作，透露今次回港逗留个几两个月，原定10月中走，但很多人叫他改期，亦承认目前有工作洽谈中，预计下月将会公布新作，又卖关子说：“而家其实有唔同嘅渠道，有啲大家好想睇嘅，我曾经拍过嘅一啲剧种⋯⋯期待吓啦！佢哋未公布，你哋可能等咗好耐，都会出现㗎喇！”

讲到未来是否加拿大和香港两边走，他表示：“我嘅办公地方系全球性，工作需要去边就去边，冇话一定系香港定系咩。早前我就去咗英国拍咗套英国嘅电影，𠮶度咪我嘅办公室，我唔系Work from home，我系出嚟跑㗎！”而这套电影就是《High Wire》。

林嘉华向《香港01》透露自己的角色以及剧情提喻，他说：“呢部戏讲两父女喺英国生活嘅父女情，详细资料唔可以讲太多，我就系做女主角个爸爸，成部戏围绕住我同个女嘅唔同思想同理念。”问到电影公司如何联络上他出演，他表示：“导演好想纯中国味道、香港味道嘅戏，讲个爸爸喺香港移民去英国，佢唔想系其他西片入面拍中国人嘅感觉。佢睇过我啲戏，于是就揾我经理人。”

早前有报道指嘉华哥66岁身型仍然Fit爆，他则自爆其实长期零运动，自己除了宵夜乜都食，Keep fit心得是：“你要Keep住一个适当嘅体重，就系少食多餐，唔好餐餐都食到好饱，基本上呢个可以喺饮食方面令你体重Keep到喺你想要嘅。”