JPEX｜庄思敏被嘲“返嚟自首坐少啲”　FB回复被轰嚣张

虚拟资产交易平台JPEX近日被证监会点名无牌经营，大马拿督千金庄思敏曾拍片介绍JPEX，事后庄思敏透露投资了6位数，自称是JPEX苦主。现她身处马来西亚，昨日（18日）有报道指警方本锁定另一娱圈人士 ，但因其身处海外而未能拘捕，庄思敏旋即成为头号嫌疑人之一。昨日（18日）林作被捕下午，庄思敏晒出大马家中睇电视照片，又风骚出席朋友升小学宴会，大晒爱马仕手袋。

网友涌入庄思敏Facebook最新影片下留言，有人贴出大马及香港移交逃犯协定，揶揄庄思敏“返黎（嚟）自首坐小（少）D（啲）”、另一名网友亦留言指：“鱼蛋妈今次返去万国城做都唔掂啦…都系快啲返嚟自首啦…”庄思敏两则留言都以笑喊Emoji“🤣”回应，又透露仍身处大马。

庄思敏回应被Cap图放上讨论区，有网友发文指：“点解庄思敏可以咁X串？”又不满庄思敏回复，“仍打🤣🤣🤣🤣即代表咩意思？犯左（咗）法呃X完人，当香港警察系白痴 无法无天 平时东张西望咪好钟意访问既（嘅），几时打去比（俾）庄思敏问几时返香港呀”。